榕基滷水專門店 1992 (已搬遷) 新店位置

舖头弥漫文青氛围，完全唔似系卖卤味食物。套餐以托盘上枱够企理，应该花过心思选用碗碟，色调跟食品颜色相配，悦目喔，整体感觉似去咗台北日式小食店。卤水汁香而不过咸，鹅有鹅肉的独特香味，肉实够入味。担心老友记食唔到鹅，叫埋牛展并豆腐做后备，结果佢两様通杀。鹅件大细适中，有啲系全肉，有啲带骨，啱晒佢唔使吓吓啖啖肉。白饭份量足，略嫌冇饭香同较软身；手工汤面软硬度适中，清汤入口唔口渴。老友记加麻辣酱再倒入点鹅食的醋汁，自制酸辣味。三小碟中点食鱼仔同青瓜，前者得两票，青瓜输在冇咗爽脆口感。单点卤鹅肾同话梅花雕鸡软骨。厚身鹅肾带红心卖相靓，入味唔韧，送酒一流。花雕汁咸咗啲，亦食唔到话海香，老友记食咗几粒鸡软骨就放弃，激死禾。