巴東印尼餐廳 (已結業)

食友嘅心意，有时都喺种挑战，点解？因为认识一位食友，佢又真喺好厉害，不拘何国菜系，更不拘何种食物，古灵精怪乜都会试，试过好嘅又会送俾大家试试，今回收到喺铜锣湾巴东印尼餐厅嘅斑兰黑糯米蛋糕，放心，食依件糕点又唔使咩胆量嚟挑战！斑兰黑糯米蛋糕，顾名思义，加埋一睇就知喺一半斑兰味（绿色）同一半黑糯米味嘅蛋糕（黑色），每件约一只手掌大细，一只手指厚薄，卖$7.5。打开包装，哗！劲香斑兰味，不过，食落就隐约啲，而黑糯米𠮶边情况差唔多，黑糯米味就更加隐隐约约，但喺，嗒落又确喺食到两者嘅味道；而质感方面，跟松软扯唔上关喺，有啲湿，较挺实，似松糕𠮶一类口感，都几得意，感觉几新奇。晌公司食完件糕当下午茶，又有啲想食印尼嘢添！