添喜冰室 (已結業)

今日收工同朋友去旺角买衫，买完谂住食埋饭先返屋企，行经附近有间叫添喜冰室，发觉嘢食几吸引，价钱又抵，所以就拣左呢间！因为二个人所以要搭枱，不过都预左，晩市多人嘛！入到去睇完餐牌就嗱嗱声叫嘢食，因为劲肚饿，虽然多人，但上菜好快，大约等左十几分钟就上齐！首先食既系碎蛋大虾牛角包，佢既碎蛋又滑好嫰，配俾新鲜原只大虾非常好食之后开始食佢地店员极力推荐小食拼盆，其实我曾经犹豫过，始终炸物怕肥，不过都豁出去，食完先算，首先卖相一流，有芝士青口，BBQ鸡翼，炸虾多士，炸洋葱圈，尢其系炸虾多士，卖相金黄通透，食落感觉每块西多都炸得刚刚好，每一啖都夹著大虾既香味，简直系男士恩物，二件虾多士份量十足，另外芝士青口都值得推荐，浓郁芝士加上肥大肉厚既青口，完全系最佳配搭！因为我地好钟意虾，所以仲叫左鲜茄大虾意大利粉，佢地个意大利酱非常特别，除左浓厚蕃茄味，仲酸酸甜甜，非常惹味，而且意粉软硬适中，口感十足！