天天海南雞飯 (ELEMENTS圓方)

营业中

休息中

隐约记得依度有一间天天海南鸡，就决定过黎食啦～餐厅环境都几舒服，侍应的服务都几贴心，一见到我地冇晒茶水就立即帮我拎过一壶新的今次叫左佢一个中份的天天海南鸡，鸡肉好嫩滑，而且配左三种酱，有辣有唔辣，份量又够两个人食，岩岩好。 以前去新加坡的熟食中心食，份量会少好多，叫一个又唔够，两个又太多饭。而家依间就满足到我，而且个味度真系好新加坡个d 一模一样。我地再叫左餐牌的一个30几蚊的油饭，其实如果唔系特别大食，依个份量够3个人食lol如果细食的话都可以直接问店员上一碗（餐牌上冇的）我地除左海南鸡之外仲叫多左个牛筋牛腩煲，牛筋同牛腩的份量都好多，而且又热辣辣，正。 牛腩好软腍入晒味，牛筋都系软软糯糯咁，就算系老人家冇咩牙都会食到。我地仲叫左个甜品，系桂花糕配斑斓酱，食口感会似白糖糕，但斑斓酱的味道都好出左黎，好有新加坡的风味。