麥當勞

营业中

休息中

大热天时，游走中环街头，7仔冻饮唔冻，入星巴克扮离地中产最低消费三四十蚊，行过麦当劳，见到有新嘢㖞，入去试下啦！由于之前黑心食品事件，少左好多人帮衬，今次新推出甜品"新地苹果脆"，有朱古力味同士多啤梨味，而我就打算拣朱古力味，等左阵都未有，之后听到厨房大叫，唔知点整.......好厉害的员工培训. . .而负责收银的员工，则非常淡定地向佢讲"摆个苹果批切开一半咪就系啰！"哦，原来个新甜品精要所在就系将开边苹果批配半杯新地，明白了XDDD！但最大问题是，我想要的朱古力味竟变成了士多啤梨. . . 系咪全舖需要再培训呢？算了，废事浪费，照要吧唔！经大师指导后，苹果批有批味，雪糕有雪糕味，每个味道都洽到好处.....等等，咁同我单买苹果批加个新地筒甘本没分别！散买都只系8蚊，依家切一刀后加入少少稀释士多啤梨酱就多收2蚊. . . 下次还是分开食比较好吧！