影片
更多
2023-03-21
720 浏览
去完荃湾拜神, 见酒楼食到厌 , 老公话想食小炒,周围行下附近都有好多选择, 唯独环境都系麻麻地, 始终都有老有嫩, 揾间企理D稳阵。行到去三坡坊, 见到依间小菜馆新开, 干净同装修几特别, 个哥哥仔见我地望望下, 主动俾menu我地, 见收费正路, 即管俾次机会。哥仔安排我地坐室内, 原来上面仲有多层, 仲可以book房, 不过我地有老人家BB车, 费事上楼梯, 坐楼下算~主打怀旧风小菜, 我地3个大人叫左几款, 味道不错虾多士, 用长法包整, 比方包多一种口感, 配埋黑松露酱, 成件事升Lv~士多啤梨京都骨, 炸粉唔厚, 酸酸甜甜, 几开胃, 哥哥仔推介出面少有的 ,老公奶奶趁热食就大赞好味够足料,可能到我喂完小朋友先食,冻左就冇咁正…炒蛏子王, 配煎米粉片系底, 连配料索晒汁, 好香口惹味, 饮埋啤酒就系爽!最后叫多个豉油王炒面, 炒得够干身又大大碟, 3个人先食得晒对港妈来讲大排档有BB椅提供真系好加分, 女厕够大又可以推埋BB车入去换片, 可以满足到想食镬气菜而又要就小朋友, 终于多个选择, 唔洗再食酒楼。下次经开可以再试埋其他菜式
周围行下附近都有好多选择, 唯独环境都系麻麻地, 始终都有老有嫩, 揾间企理D稳阵。
行到去三坡坊, 见到依间小菜馆新开, 干净同装修几特别, 个哥哥仔见我地望望下, 主动俾menu我地, 见收费正路, 即管俾次机会。
哥仔安排我地坐室内, 原来上面仲有多层, 仲可以book房, 不过我地有老人家BB车, 费事上楼梯, 坐楼下算~
主打怀旧风小菜, 我地3个大人叫左几款, 味道不错
虾多士, 用长法包整, 比方包多一种口感, 配埋黑松露酱, 成件事升Lv~
士多啤梨京都骨, 炸粉唔厚, 酸酸甜甜, 几开胃,
哥哥仔推介出面少有的 [钵仔焗鱼肠],老公奶奶趁热食就大赞好味够足料,
可能到我喂完小朋友先食,冻左就冇咁正…
炒蛏子王, 配煎米粉片系底, 连配料索晒汁, 好香口惹味, 饮埋啤酒就系爽!
最后叫多个豉油王炒面, 炒得够干身又大大碟, 3个人先食得晒
对港妈来讲大排档有BB椅提供真系好加分, 女厕够大又可以推埋BB车入去换片,
可以满足到想食镬气菜而又要就小朋友, 终于多个选择, 唔洗再食酒楼。
下次经开可以再试埋其他菜式
张贴