kikusan

营业中

休息中

同同事去新城市食饭，见到有新餐厅，所以试吓～我哋叫咗鸡白汤叉烧沾乌冬同埋黑松露野菌蒸鸡饭!鸡白汤叉烧沾乌冬上菜嘅卖相好吸引! 叉烧好大条～叉烧有某啲位好干, 有啲失望同埋比较肥~乌冬好烟靭系类似稻庭乌冬𠮶啲,几好食～不过鸡白汤就唔系日本拉面𠮶种, 有少少似开粉𠮶啲白汁, 味道好淡, 冇咩鸡汤味, 同埋乌冬沾落去会有啲太杰食落去好漏~黑松露惹菌蒸鸡饭几好食! 不过啲鸡有啲咸左少少~啲饭又黑松露味几特别~而且份量都几多！2款都叫咗套餐，可以拣要沙律或者点心~沙律就普普通通~点心都唔错系菠菜虾饺同埋小笼包! 虾饺出边个皮系用菠菜做嘅，虽然冇咩菠菜味，但系都几特别！小笼包都皮薄多汁～