影片
更多
2018-06-24
431 浏览
今日一芳上環分店正式開張，當然要新屎坑搶先試飲。地點聽說呢間分店係加盟店，佢位於新起好既南豐廣場，係正上環E 出口行1分鐘，隔離又有電車站，非常就腳。分店有兩個入口，分別係南豐廣場同電車路，而收銀處係南豐廣場入口。裝修分店貫徹品牌既台式木系風格，裝修簡約清新。由於店內好多人排隊，等候空間唔算好大，多數人都係鋪頭門口南豐廣場範圍等拎飲品，有冷氣又唔怕曬。飲品種類同其他分店一樣，都有茶類/水果/古早味/黑糖粉圓等等，種類都算多。新店優惠Like 南豐廣場同一芳水果茶南豐分店facebook 就可以係南豐地下counter 換到一張平$10既coupon,但只限一種飲品，所以當日無用到。落單及等候時間由於見到佢個告示牌話黑糖粉圓系列每日限100杯，加上最近都試左幾間人氣品牌黑糖粉圓，所以點都要試一試佢個黑糖粉圓鮮奶茶-中杯裝（HK$30)，落單個陣店員已經提示要等15-20分鐘，因為要時間煮粉圓。另一杯就點左一芳水果茶-中杯裝（HK$30)，同樣都係店家既推薦飲品。由排隊到落單等左10分鐘，由落單到準備好一芳水果茶等多10分鐘，最後再等多10分鐘就有黑糖粉圓鮮奶茶。一芳水果茶水果茶有新鮮蘋果
地點
聽說呢間分店係加盟店，佢位於新起好既南豐廣場，係正上環E 出口行1分鐘，隔離又有電車站，非常就腳。分店有兩個入口，分別係南豐廣場同電車路，而收銀處係南豐廣場入口。
裝修
分店貫徹品牌既台式木系風格，裝修簡約清新。由於店內好多人排隊，等候空間唔算好大，多數人都係鋪頭門口南豐廣場範圍等拎飲品，有冷氣又唔怕曬。
飲品種類
同其他分店一樣，都有茶類/水果/古早味/黑糖粉圓等等，種類都算多。
新店優惠
Like 南豐廣場同一芳水果茶南豐分店facebook 就可以係南豐地下counter 換到一張平$10既coupon,但只限一種飲品，所以當日無用到。
落單及等候時間
由於見到佢個告示牌話黑糖粉圓系列每日限100杯，加上最近都試左幾間人氣品牌黑糖粉圓，所以點都要試一試佢個黑糖粉圓鮮奶茶-中杯裝（HK$30)，落單個陣店員已經提示要等15-20分鐘，因為要時間煮粉圓。另一杯就點左一芳水果茶-中杯裝（HK$30)，同樣都係店家既推薦飲品。由排隊到落單等左10分鐘，由落單到準備好一芳水果茶等多10分鐘，最後再等多10分鐘就有黑糖粉圓鮮奶茶。
一芳水果茶
水果茶有新鮮蘋果、橙、百香果同罐頭菠蘿，外觀吸引。由於本身怕甜，點左半糖，所以甜度適中。飲落去茶味唔算太突出，有人造糖水味，有dd 失望，整體都可接受，但相比內地其他飲品店既水果茶黎講，欠缺左d 茶味。
一芳水果茶（中杯）
$30
45 浏览
0 赞好
0 留言
黑糖粉圓鮮奶茶
呢杯黑糖粉圓鮮奶茶真係中伏，糖度係set 好左，無得揀少甜。製成品係無其他飲品店既琥珀色黑糖掛杯，一睇個製成品就覺得飲品顏色好稀，飲落去基本上係無黑糖味，茶味好淡，完全無鮮奶味，非常失望。由於粉圓新鮮煮好，所以仲有餘溫，可能未黎得切過冷河，粉圓有d 散唔夠Q。
黑糖粉圓鮮奶茶（中杯）
$30
35 浏览
0 赞好
0 留言
結論
以$30一杯既飲品黎講，今次呢一杯黑糖粉圓鮮奶茶真係不合格，水果茶亦唔算好出色。最近競爭咁大，如果一芳要係中上環爭一席位，真係要努力去改善飲品口味！
张贴
