影片
更多
2013-01-02
369 浏览
新年快乐！见天气冻，黎九龙城食个煲仔饭，虽未至食到一肚气，不过都顶住，不吐不快。首先，我同你讲食物。我地三人帮衬，嗌左：- 煲仔窝蛋牛肉饭 (鲜牛)- 煲仔排骨滑鸡饭..... 黎左「煲仔腊肠排骨饭」- 荔芋排骨煲<<<<< 服务态度 >>>>> 重点！落单篇究竟点解「煲仔排骨滑鸡饭」会变左「煲仔腊肠排骨饭」架呢？事缘系本来我地点「煲仔腊肠排骨饭」，谂谂下又有荔芋排骨，不如沟 D 鸡啦～于是就改左做「煲仔排骨滑鸡饭」勒！！！ （将腊肠变成鸡）点知上菜时黎左既系「煲仔腊肠滑鸡饭」 （将排骨变成鸡）其实都唔紧要，真系唔紧要，我见见整左又赶时间，都话「唔紧要啦！可能落错左」呀， D 阿姐真系好似好唔忿气咁架㖞！响隔离执紧台都仲要好冇礼貌咁搭嗲：A：写错？边有写错呀？！「腊肠鸡」丫嘛！我：系「腊肠排骨」改「排骨鸡」，可能听错左变左「腊肠鸡」啧！唔紧要．．．A：咩呀？你改「腊肠鸡」丫嘛！边有写错啧？(向 B) 芋头煲系咪你落架？B：系额！A：咪系啰！芋头煲都冇错，边有落错啧？即系咁，第一）我已经话算数；第二）芋头煲冇
见天气冻，黎九龙城食个煲仔饭，虽未至食到一肚气，不过都顶住，不吐不快。
首先，我同你讲食物。我地三人帮衬，嗌左：
- 煲仔窝蛋牛肉饭 (鲜牛)
- 煲仔排骨滑鸡饭..... 黎左「煲仔腊肠排骨饭」
- 荔芋排骨煲
<<<<< 服务态度 >>>>> 重点！落单篇
究竟点解「煲仔排骨滑鸡饭」会变左「煲仔腊肠排骨饭」架呢？
事缘系本来我地点「煲仔腊肠排骨饭」，谂谂下又有荔芋排骨，不如沟 D 鸡啦～
于是就改左做「煲仔排骨滑鸡饭」勒！！！ （将腊肠变成鸡）
点知上菜时黎左既系「煲仔腊肠滑鸡饭」 （将排骨变成鸡）
其实都唔紧要，真系唔紧要，我见见整左又赶时间，都话「唔紧要啦！可能落错左」
呀， D 阿姐真系好似好唔忿气咁架㖞！响隔离执紧台都仲要好冇礼貌咁搭嗲：
A：写错？边有写错呀？！「腊肠鸡」丫嘛！
我：系「腊肠排骨」改「排骨鸡」，可能听错左变左「腊肠鸡」啧！唔紧要．．．
A：咩呀？你改「腊肠鸡」丫嘛！边有写错啧？(向 B) 芋头煲系咪你落架？
B：系额！
A：咪系啰！芋头煲都冇错，边有落错啧？
即系咁，第一）我已经话算数；第二）芋头煲冇落错点解煲仔饭唔可以错？
都唔紧要，个客都话算数，又唔追够，又照食你煲饭兼照俾钱，妳两个拗咩啧？！
<<<<< 服务态度 >>>>> 重点！饮品篇
嗌两杯冻奶茶，冇特别嗌少甜，黎到呢．．．哗，有好甜蜜既感觉！
男朋友顶唔顺，俾左我饮，自己嗌过杯冻柠茶，注明少甜！
由于我地坐响收银旁，收银既（唔知系咪老板娘啦）就问我地：好甜咩？
男朋友：系呀，系好甜呀，我都顶唔顺，俾左佢饮 (笑)
收银员：哈哈，系咩，唔怪得啦，搞到佢痴肥～
我：系啦，搞到我咁样都被人话痴肥．．．．．．
我唔介意一件事，我自问中等身型妳够胆话我痴肥个下劲丫嘛！话晒都系客丫？
（（（版主，而家系店方对我人身功击，请你唔好唔批我）））
重点系咩？重点系转头有侍应拎杯野黎：冻奶茶。
可能真系太冻，大家听野真系听得唔系好清楚。
又或者真系「一定」唔系佢地听觉有问题；「一定」系我地讲错左啦．．．．．．
<<<<< 煲仔饭 >>>>>
咪道系 OK 唔差既，料都算足，不过如果谂住食饭焦既朋友，呢度唔岩你勒！
因为呢度 D 饭快煮快熟快上，唔系以前炭炉煲仔饭个回事。
唔系新年唔新年既关系，我黎过几次 -
好冻黎、冇咁冻黎、假期黎、闲日黎、早黎、晏黎，都系冇饭焦既。
<<<<< 荔芋煲 >>>>>
虽然上得快，荔芋都煮得几"林"，而且都几"粉"，
又唔会话斋得芋头冇肉，系几好味既！
题外话/补充资料：
[b]总括而言，佢 D 野食又唔系特别出色，加上今次遭到咁既待遇，我唔会再黎。[/b]
完。
(以上食记乃用户个人意见 , 并不代表OpenRice之观点。)
张贴