影片
更多
2021-10-20
45 浏览
周末一杯早啡已经成为我过去两年嘅一个小习惯。随住香港高质嘅咖啡店遍地开花，港人对咖啡嘅追求唔再局限于饮连锁嘅商业咖啡，绝对系好事。今个星期每日都细雨蒙蒙，听住Maroon 5嘅Sunday Morning, 沿住大南街揾一间心水嘅Café特别有感觉。漫步到街头见到一间Café门面系一道怀旧嘅铁闸，不自觉就行咗入去。店内装潢简约X怀旧，灰色水泥墙身配以黑字，乱中有序嘅排列别树一格。Pineapple Ale & Blackccino夏季嘅气息依然浓厚，凤梨特饮宁舍消暑解渴。饮品用咗新鲜嘅凤梨煮成果酱，再加入Ginger Ale冲调，入口甜酸适中且略带姜味微辣。每一啖都带有一丝丝果肉，配上凤梨干佢陪衬，口感清新开胃。Blackccino 口感风味浓厚，原来系咖啡师以Espresso大力加冰，再打入空气，从而营造出有如黑啤嘅丝质细滑嘅口感。果然系非一般嘅Black Coffee。Cofflow HotcakeCofflow诚意之作，呢份甜品系要即叫即整，等候时间大约20分钟。热松饼上碟时仲系热辣辣出哂烟，配上雪糕、果酱、蜂蜜、莓果以及坚果碎，口感非常有层次。而且入口时热松饼同雪糕正好做成冰火
今个星期每日都细雨蒙蒙，听住Maroon 5嘅Sunday Morning, 沿住大南街揾一间心水嘅Café特别有感觉。漫步到街头见到一间Café门面系一道怀旧嘅铁闸，不自觉就行咗入去。
店内装潢简约X怀旧，灰色水泥墙身配以黑字，乱中有序嘅排列别树一格。
Pineapple Ale & Blackccino
夏季嘅气息依然浓厚，凤梨特饮宁舍消暑解渴。饮品用咗新鲜嘅凤梨煮成果酱，再加入Ginger Ale冲调，入口甜酸适中且略带姜味微辣。每一啖都带有一丝丝果肉，配上凤梨干佢陪衬，口感清新开胃。
Blackccino 口感风味浓厚，原来系咖啡师以Espresso大力加冰，再打入空气，从而营造出有如黑啤嘅丝质细滑嘅口感。果然系非一般嘅Black Coffee。
Cofflow Hotcake
Cofflow诚意之作，呢份甜品系要即叫即整，等候时间大约20分钟。热松饼上碟时仲系热辣辣出哂烟，配上雪糕、果酱、蜂蜜、莓果以及坚果碎，口感非常有层次。而且入口时热松饼同雪糕正好做成冰火口感。味道方面甜度适中，坚果碎令整份甜品锦上添花。一份两个人share就刚刚好。
Garlic Mushroom & Spinach Pasta with Pesto Sause
食完甜品开胃当然就要食正餐，呢客意大利面都系由厨师精心炮制，制作过程散发住令人流哂口水嘅蒜香味，菠菜杂菌嘅配上青酱口感清新而不腻，而且镬气十足。
Luncheon Meat & Scrambled Egg Bagel
最简单嘅食材有时会带出令你意想不到嘅惊喜，顾名思义呢道菜就系：餐肉X炒蛋X贝果。餐肉虽邪恶但好难抗拒佢嘅诱惑；手工贝果口感外脆内软，味道非常好。
张贴
