越男仔 (已結業)

早前我去过越男仔的旺角店，觉得唔错又抵食，今次来到湾仔试试，顺便去玩具街行下....【越式生牛肉牛骨汤河粉】食越南汤河点都会先饮啖汤，汤底好香甜，不会过咸，牛肉嫩滑且偏瘦，配上滑滑的河粉，是一碗几有水准的越式汤河。【沙嗲三丝捞檬】材料非常丰盛，有手撕鸡，炸腩肉加札肉，淋上沙嗲酱之后再用火枪炙烧外层，所以多咗一份焦香味，拌匀入口，沙嗲味香浓顺喉，青瓜丝，生菜丝爽脆鲜甜，食落非常清新，而三丝份量非常多，而且肉质鲜美软嫩，整体配搭极好！【蒜香牛油脆鸡翼】蒜香鸡翼大大只劲香脆，肉汁多，较为入味。【法式芝心虾多士】我上次去旺角都食过呢个虾多士真系好出色！超级厚嘅虾胶弹牙爽口，入面嘅芝士劲流心，再加埋外层既芝麻，好香口。绝对推介!!【越式古法扎肉蒸粉包】蒸粉包其实有少少似春卷咁，不过不是煎炸而改返蒸既方法煮出来，感觉冇咁肥腻，粉皮好薄馅料胀卜卜，内馅有好多料，仲有肉碎、木耳丝、萝卜丝等等，馅料好丰富 好有口感。【咸柠七喜(左)、柚子龙眼蜜(右)】配上甘柠七喜、龙眼冰做饭后饮料，又解渴又醒身，越南菜最佳饮料。