樂園魚蛋 (亞皆老街)

营业中

休息中

金牌猪手河粉$36 经过呢间餐厅门口见到佢同平时嘅𠮶一啲鱼蛋粉专门店餐厅唔一样。睇落去好干净同埋好新，所以入咗去食晏昼。叫咗个金牌猪手河粉，一嚟到见到好大碗。同埋𠮶度啲服务好好，俾埋只空碟放猪骨。啲河粉唔会煮得太耐，所以咬落去唔系一pat pat。猪手煮咗好耐所以好淋。然后个汤底食得出唔系平时𠮶啲鱼蛋粉汤底，佢系有𠮶啲猪手汁。利宾纳+$11过嚟今日好「足料」，完全唔系加咗好多水所以唔系好淡。饮落去反而仲有觉得太甜😂。仲有个饮品杯好靓，完全唔似平时𠮶一啲旧式鱼蛋粉专门店银色𠮶一啲不锈钢嘅杯。整体来讲觉得好抵食！$36就可以食一个好大碗嘅猪手河粉，仲要喺地铁站一出嚟行3分钟。