影片
更多
2013-07-08
359 浏览
圣诞节、情人节唔想太破费出街食？想俾个惊喜煮番餐俾另一半食？入过厨嘅人就知，以普通家常菜式而言，煮一餐饭动辄花一、两个小时，唔好计逛街市、超市买材料，净喺洗洗切切已相当费时 。而且，煮啲复杂嘅菜式，最难就喺样样配料或调味料只买少少。如果你喺入厨高手，煮起上嚟都仲叫得心应手，煮得快啲，相反喺入厨新手，又有何能大显身手？Secret Ingredient喺一间专售出口食材嘅网购概念店，佢嘅自煮晚膳，会为客人准备好晒一切所需嘅新鲜食材及调味料，外送直达，即使忙碌嘅朋友收工后仍能轻松优悠咁享受「快乐煮食」嘅乐趣 。新手都一样可以大显身手 ！简说一下Secret Ingredient啦，登入店家网址，网购流程简单易明，虽然暂时所送区域有限，但已包括港岛大部份地方及尖沙咀区，亦可安排晌地铁交收，对晌商业区工作嘅人嚟讲，已非常方便。而菜式选项方面，分别有餐汤、沙律、主菜、甜品及啤酒、餐酒，要完成一份大餐绝对齐全，此外，每两个星期就会转款一次，保持一定新鲜感。满$400免费送货之余（否则另收$25送货费），只要当日指定时间前落单，仲可以同日送货添 。要做到人人都可以优悠咁快乐煮食，洗切嘅步骤已
简说一下Secret Ingredient啦，登入店家网址，网购流程简单易明，虽然暂时所送区域有限，但已包括港岛大部份地方及尖沙咀区，亦可安排晌地铁交收，对晌商业区工作嘅人嚟讲，已非常方便。而菜式选项方面，分别有餐汤、沙律、主菜、甜品及啤酒、餐酒，要完成一份大餐绝对齐全，此外，每两个星期就会转款一次，保持一定新鲜感。满$400免费送货之余（否则另收$25送货费），只要当日指定时间前落单，仲可以同日送货添 。
要做到人人都可以优悠咁快乐煮食，洗切嘅步骤已有专人处理好晒，其次调味腌肉、分量配搭……等等，一一预备妥当，基本上按步就班，三几吓手势就会搞掂。就算最难嘅主菜，一般都唔会超过10个步骤，20-30分钟之内就可以完成。OK，一切准备就绪，就等小弟一显身手，完成4道菜嘅快乐晚餐啦 ！
Celeriac Soup with Apple Garnish $60 餐汤一般有3-4款选择，如蕃茄浓汤、野菌忌廉汤、粟米汤。今次小弟拣咗个芹菜汤，平常较少饮，因为汤已预先煮好放晌真空袋内，只需置于热水中翻热再加入配料就可饮用，一份以700ml为标准，供两人享用。不过，包装盒内显示为1公升 ，以小弟家中嘅汤碟，足可分到3份咁多，嚟多个老友都仲够分呀！味道又如何？绝对唔错，芹菜浓汤以芹菜、洋葱、鸡汤煮成，芹菜味几清爽，口感几细滑，加上啲青苹果粒又唔酸，只喺啲面包粒有少少腍咗，小弟仲私下加少少香草碎提提味 ，夏天饮都几醒神。我心谂，如果改为冻汤，唔知效果会唔会仲过瘾 ！
SI's Greek Salad $60沙律独沽一味，只有希腊沙律，$60一份同样供两人享用，不过份量之多，跟个汤一样，3个人都够晒分，我哋分好两碟嚟食，仲可以剩番一小盒当第二朝早餐 。个沙律都好易处理，已分好两盒沙律主材料，有青瓜、红灯笼椒、黑橄榄同紫洋葱，全部切好晒，简单捞埋，再加入油醋汁拌匀，最后撒上意大利蕃茜及羊奶芝士，就成为一道典型嘅希腊沙律。避免制作时出现混乱，店家好细心将食材及配料以不同英文字母区分，相信都甚少出错。沙律入口几清新、油润，羊奶芝士唔太膻，相信大部份人都接受到 。唯一挑剔喺太多橄榄，而橄榄味道又较咸 ，如果减少橄榄嘅份量，相对又加啲蕃茄，我觉得味道更平均。
Succulent Bone-in Pork Chop & Pineapple Salsa with Sweet Potato and Black Bean Salad $275 基本上每次都会提供5款主菜选择，有猪肉、鸡肉、牛肉、鱼类。小弟拣嚟喺一道名为「香煎猪扒配菠萝莎莎伴蕃薯黑豆沙律」，$275为二人份，人多可拣四人份（$550）、六人份（$750.00），有啲主菜仲可以独立净加肉类部份，详情上网睇睇就明白。每款主菜都有齐英文烹调指引，以及所需厨具提示，虽然指引喺以英文撰写，但用词浅易，况且图文并茂，按图慢慢一步一步咁做，都好少虾碌出错。值得一提，件猪扒除真空包装外，仲有一个小冰袋「跟身」，务求减低食材变坏嘅问题 ，而店方亦鼓励客人将小冰袋退回循环再用。
跟沙律一样，十多款材料都以不同英文字母标签好晒，仲要跟沙律所用嘅字母无重复 ，一定唔怕两者捞乱。整道菜睇起嚟好似好多步骤，其实都唔难，有啲都喺捞捞搅搅，喺煎猪扒要掌握好个时间，如果你家中无厨房用计时器就无咁就手。烹者过程就唔长气抄一次出嚟，反正上载咗个制作指引俾大家参详仲易明，然而，睇相就知小弟几认真「制作」啦 ，依道主菜设定30min内完成，按足步骤，又真喺能够按时达标 。
先讲件猪扒，因为件有骨猪扒边位带有一截肥膏，所以煎出嚟感觉特别香，好油润，虽然大件又厚身，但肉质咬落够腍滑，富肉汁，而且已用辣椒、青柠汁腌过，自然更好味 。菠萝莎莎喺啲菠萝同蕃茄粒，已一早预备好，只需临尾倒上猪扒之上就得，味道辣辣甜甜，不过感觉似沙律一部份。而蕃薯黑豆沙律部份，成份有蕃薯、黑豆、车厘茄、火箭菜、红椒、葱、薄荷、醋汁，主要都喺要煮腍啲蕃薯粒，其他嘢搞埋一齐就可以喇，味道上喺一个带甜味、又饱肚嘅沙律，薄荷跟醋汁令人感觉轻爽啲 。其实啲蕃薯黑豆沙律我哋只喺倒咗2/3落碟度，因为份量著实太多，都怕食唔晒，可以Secret Ingredient晌份量上都俾得十足。
甜品有4款选择：All American Apple Pie、Apple Crumble Pie、Wholly Heavens Pecan Pie、Spiced Pumpkin Pie，全部都喺向Tai Tai Pie Pie取货，款款都喺卖$40，小弟要咗后两者。由于食完沙律、餐汤、主菜已经好饱好饱 ，所以两个甜品只好留番第二日下午茶。啲批又喺好易处理，放入焗炉120度火焗5分钟就搞掂 ，每个批重130克，都几重秤，不过小弟就钟意搞少少花臣嘢，烘热个批，加个雪糕球，咁先更滋味好食 。Wholly Heavens Pecan Pie $40
「大合桃批」唔喺指大批，喺想指啲合桃够晒大粒，采用美国原粒大合桃放晌批面，卖相已经好有睇头，味道更加一流，批壳酥脆，内里填满合桃碎粒同牛油饼碎粒，口感湿润得嚟，满口合桃甜香 。
Spiced Pumpkin Pie $40 个南瓜批送到嚟批面有啲裂，其实店方建议所有批都可以晌室温下享用，不过热辣辣嘅批感觉总喺滋味啲。批壳满满牛油香，又有点玉桂味 ，而南瓜蓉柔软，且渗出点点香料味，几有趣㖞 。
由于份量之多，觉得以上整个餐都足够3个人食，所以除起上嚟条数又几划算，加上有得煮，又有得食，趁啲特别日子搞番餐又几好玩 。反正同样4道菜，有齐沙律、餐汤、主菜、甜品，又要有质素，出街食都唔平啦！题外话讲讲，虽然店方强调所用嘅包装都用上可分解嘅玉米粉制造，但眼见仍有唔少食材仍要倚赖胶盒盛载，为环保，小弟都尽量洗干净再用番。希望大家由「快乐煮食」开始，慢慢不再喺入厨新手 。
题外话/补充资料：
参考网址：www.secretingredient.com.hk
(以上食记乃用户个人意见 , 并不代表OpenRice之观点。)
张贴
