影片
更多
2013-04-28
46 浏览
好耐之前曾经从杂志睇过有关Eden Rose嘅报导，早之听食友到过Eden Rose试菜，大赞用料高档，菜式有水准，可以讲得喺平价叹高档欧陆菜，价位大概比坊间平3乘左右，值得一试。咁气氛浪漫，高质食店，打算留番啲特别日子先嚟，所以慢慢无咗回事。店家开业初期只做晚市，仲喺得套餐供应，稳定后再加入散点餐牌；最近偶然经过附近，见佢有派传单，原来依家推出咗午餐，细看之下跟同区有质素嘅西餐厅差唔多，但比佢嘅晚市定价平咗几截，实在喺个大喜讯，急急脚拉埋老友Ivan兄一齐嚟试吓。虽然店家为楼上铺，但所在地点超方便，晌铜锣湾B出口一出转左行几步就喺。晌餐厅门口，贴有好几张杂志嘅餐厅专访，标题都喺「亲民的价钱 五星级的享受」、「上楼食水准欧陆菜」、「亲民Fine Dining」……等等。一踏入店内，虽然环境细细，但只摆约30开来个位，唔会太逼，而且，闪令令水晶吊灯、枣红红丝绒梳化、黑漆漆实木木枱嘅组合，高贵优雅，甚有浪漫元素嘅红黑配衬，晚上嚟用膳一定好有情调。不过，此时此刻，日光之下又另一番景象。最正靠窗嘅一排座位，一来喺前后背靠，唔会产生太大骚扰，二来喺偌大嘅玻璃窗外，景观喺对住成幢希慎及附近一带街景
虽然店家为楼上铺，但所在地点超方便，晌铜锣湾B出口一出转左行几步就喺。晌餐厅门口，贴有好几张杂志嘅餐厅专访，标题都喺「亲民的价钱 五星级的享受」、「上楼食水准欧陆菜」、「亲民Fine Dining」……等等。一踏入店内，虽然环境细细，但只摆约30开来个位，唔会太逼，而且，闪令令水晶吊灯、枣红红丝绒梳化、黑漆漆实木木枱嘅组合，高贵优雅，甚有浪漫元素嘅红黑配衬，晚上嚟用膳一定好有情调。不过，此时此刻，日光之下又另一番景象。最正靠窗嘅一排座位，一来喺前后背靠，唔会产生太大骚扰，二来喺偌大嘅玻璃窗外，景观喺对住成幢希慎及附近一带街景，感觉好唔错，如果喺夜景，相信都几璀璨迷人。
午餐以两道菜为本，包沙律或餐汤，A-F共6款主菜可供选择（$68-$98），奉送冷热饮品，另外可加$20享用是日甜品，咁好环境，咁好招呼，仲要免加一，真喺抵食得无话可说。
蒜蓉包．蕃茄莎莎餐包喺小弟其中一款颇钟意嘅面包：意大利香草包（Focaccia），咸咸香香好松软，但依个仲要喺升级版，加咗蒜蓉再焗，香味倍增，真喺有啲想问可唔可以添食嘅冲动。以蕃茄粒、洋葱粒、香草及橄榄油所做嘅蕃茄莎莎，虽然刴得唔喺好细碎，但酸香鲜活，食后令人感觉好清爽。
干蕃茄沙律意想不到三大惊喜嘅前菜，紫椰菜、九芽生菜、罗马生菜作为沙律底，配少少果仁碎，出面一般加几粒开半嘅车厘茄点缀吓就算，但眼前沙律嘅惊喜一喺加咗几片意大行干蕃茄，油润烟韧更浓蕃茄味；惊喜二喺醋汁用上10年陈嘅黑醋，跟晚上做菜用料一样，味道好醇厚；事后有机会跟大厨交流，先知醋汁事先再轻轻煮过，让味道更浓香，呢个就喺惊喜三！
什菜餐汤装餐汤个瓷碗好别致，圆圆弯弯。个什菜餐汤相对无个沙律咁多惊喜，之不过仍然好有水准，味道酸酸甜，好浓郁，颇醒胃嘅餐汤。
主菜一共有6款，有特色沙律、意粉、意大利饭、烤猪肋骨、汉堡、肉眼扒。其实有好几款都想试，总之就拉多几个人一齐嚟，唔使度得咁辛苦。烧牛舌茄茸意粉（午餐价$72）
我同Ivan兄咁啱对牛脷都有少少情有独钟，所以拣此意粉，结果都无令我哋失望。牛脷厚切成粒粒，大概有8-9粒左右，所以非常多料，最正喺大厨不厌其烦将每粒牛脷粒都6面煎香，入口外面焦脆，内里软腍，配合埋牛脷独有嘅味道，真喺好满意。而意粉带有浓郁茄香，又均匀，加咗少少新鲜香草碎作为提味，拌有白菌片同干蕃茄，可以咁讲，无烧牛脷净食个意粉都称心呀。
纽西兰肉眼扒（6安士）配牛油杂菜（午餐价$98）晚市散叫有个烧纽西兰肉眼扒（10安士），卖$208，依家虽则得6安士，但包沙律或餐汤，仲有餐饮，却喺一半价钱都唔止，实在更亲民。肉眼要咗五分熟（medium），其实讲开几多成熟，似乎都无一套绝对标准，又要视乎师傅手势，食嘅人又有啲主观意愿，总之眼前五分熟嘅肉眼就对上小弟自己嘅口味，表层微焦，内里粉嫩，口感油香嫩滑，肉味挺浓又富肉汁，纽西兰肉眼扒嘅质素一啲都唔失礼，唯独个黑椒汁辣得嚟有点呛。虽然薯菜都被认定喺配角，不过都有出色与失败之分。薯角连皮新鲜炸，入口热呼呼，又脆又薯味足，而西兰花、椰菜花、甘笋条以牛油及洋葱炒过，味道唔单一，就算未能成为最佳配角，都会喺出色嘅演绎。大厨仲话，作为配菜嘅薯仔仲会玩变种，有时喺薯片，有时喺薯丝添。
题外话一讲，载住主菜嘅碟，都喺预热晒，令到啲𩠌菜唔会咁快摊凉，足见店家晌细节位都做足功夫。散点餐牌中，有4款甜品供应，卖$48嘅柠檬雪葩、焦糖炖蛋、草莓吉士千层酥，以及卖$68嘅朱古力芭菲。午餐加$20就有一款指定甜品，侍应话成个星期都喺同一款指定甜品，每星期转款，仲补充话跟晚市散叫嘅分量、水准一样，咁吸引又点可以错过呀！
焦糖炖蛋（午餐+$20）
焦糖炖蛋就喺是日甜品，外观对办，炖蛋部份几滑几香蛋味，焦糖面面做得都脆，只喺个人觉得厚咗啲。虽然只喺小小一兜焦糖炖蛋，但仍然加啲士多啤梨及果浆，增添整体卖相美感。
草莓吉士千层酥（午餐+$20）本来甜品只得焦糖炖蛋，可能个经理见我哋对只得一款甜品有啲失望，经理话跟大厨商量一下，结果唔介意将下星期应付午市所出嘅草莓吉士千层酥都整一份俾我哋试，实在好感谢。无论卖相、味道，依廿蚊绝对抵到不得了，首先讲卖相，又唧糖浆，又洒糖霜，切埋士多啤梨薄片，几有心机；论到味道，个千层酥最特别喺个酥皮，有别一般传统做拿破仑所用嘅千层酥皮（puff pastry）嚟做，用上更薄身、更少牛油嘅酥皮，有啲似纸酥皮（filo pastry或叫「飞佬皮」），按所需大细独立卷起一件件嚟焗（千层酥皮则一大整块咁焗，焗完先裁番所需大细），所以酥皮色泽偏白，唔会太重牛油味，味道较清，但松脆度比千层酥皮过之而无不及。吉士自家以鸡蛋打，所以蛋味够香，而且质感非常柔滑，又少甜，确喺一件相当清怡嘅甜品。
意大利鲜奶咖啡甜品总要衬杯咖啡先够赏心乐事，Ivan兄嘅意大利泡沫咖啡唔知味道如何，不过，小弟就好满意手中嘅鲜奶咖啡，心形嘅拉花拉得好靓、好自然，为求质素，店家冲咖啡当然用上即磨咖啡豆，所以咖啡很醇香，丰厚嘅奶泡带嚟很细滑嘅口感，真喺令今餐「晏仔」有个完美作结。
由于午餐新推出无耐，加上假日，客人唔多，所以餐后大厨走咗出嚟问吓我哋意见，我哋又钟意煮吓嘢，所以交流唔少，应该话学嘢唔少。午餐嘅食材跟晚市用料一样，虽然午餐只焗限于得6个选择，甜品又有限定，但消费可能只相当于晚市嘅1/3或1/2。再者环境一流，感觉舒服，而侍应态度亲切，服务甚到位，每道菜都会等客人一道食完先上另一道，唔会堆到一枱都喺，令人食得悠然，上菜时又提醒食客，餐碟挺热要小心。晌度就咁饮一杯咖啡，都要三十零蚊啦，所以你话佢个午餐喺咪卖大包，抵食到震。张贴
