影片
更多
2019-10-05
1242 浏览
日期：10月3日人数：8人一班同事去team lunch! 之前一日下昼先比较匆忙地订枱，难得打电话去呢度话有位，咁就即刻订咗啦。地点就系中环中心旁边嘅商业大厦楼上2楼，离Office有啲距离，不过都算方便。由于有75分钟嘅交枱限制，我哋一坐低就即刻点嘢食。一行六男两女，好多男士食量都唔细，叫咗一堆点心同埋两碟饭。拣部份食物来点评一下。首先就系乳鸽，偏细只，炸得金黄色，肉质结实，但冇自动附送淮盐，感觉差咗少少味道；但系座位度自动摆左一对胶手套，系一个加分嘅服务位。笼仔荷叶饭几足料，份量亦都唔细。麻辣烧卖入边嘅馅料系糯米，可惜系除咗麻辣味之外，其他味道欠奉。山竹咁样嘅系一个好似咸水角嘅东西，里面有虾同埋蟹肉馅料，炸得好香脆。同样好食既炸物仲有春卷同炸云吞，新鲜热辣扑扑脆。炸云吞入边仲有好多芝士，新奇得意。煎荠菜饺馅料足够，煎既时间啱啱好。鲜虾炒肠粉味道都唔错，但个人觉得可以放多啲XO酱入去炒，会比较惹味。牛肉陈村粉同墨鱼墨汁饭都可以接受。甜品三款，卖相非常得意既猪仔系冻椰汁布甸，见到都唔舍得切开佢黎食，够甜够冻够好食。第二样系盆栽布甸，而最后系热情果布丁。呢间餐厅开业左一段时间，但装修依
人数：8人
一班同事去team lunch! 之前一日下昼先比较匆忙地订枱，难得打电话去呢度话有位，咁就即刻订咗啦。地点就系中环中心旁边嘅商业大厦楼上2楼，离Office有啲距离，不过都算方便。
由于有75分钟嘅交枱限制，我哋一坐低就即刻点嘢食。一行六男两女，好多男士食量都唔细，叫咗一堆点心同埋两碟饭。
拣部份食物来点评一下。
首先就系乳鸽，偏细只，炸得金黄色，肉质结实，但冇自动附送淮盐，感觉差咗少少味道；但系座位度自动摆左一对胶手套，系一个加分嘅服务位。
笼仔荷叶饭几足料，份量亦都唔细。麻辣烧卖入边嘅馅料系糯米，可惜系除咗麻辣味之外，其他味道欠奉。
山竹咁样嘅系一个好似咸水角嘅东西，里面有虾同埋蟹肉馅料，炸得好香脆。
同样好食既炸物仲有春卷同炸云吞，新鲜热辣扑扑脆。炸云吞入边仲有好多芝士，新奇得意。
煎荠菜饺馅料足够，煎既时间啱啱好。
鲜虾炒肠粉味道都唔错，但个人觉得可以放多啲XO酱入去炒，会比较惹味。
牛肉陈村粉同墨鱼墨汁饭都可以接受。
甜品三款，卖相非常得意既猪仔系冻椰汁布甸，见到都唔舍得切开佢黎食，够甜够冻够好食。第二样系盆栽布甸，而最后系热情果布丁。
呢间餐厅开业左一段时间，但装修依然保持良好，我地坐嘅系梳化位，好舒服。服务贴心，经常来加茶。上菜速度都算快。虽然有75分钟交枱限制，但都冇特别催促我哋。价钱唔平，但尚可接受。
张贴
