越男仔 (已搬遷) 新店位置

行开油麻地，想饮越南咖啡，顺便食个饭。记得有friend介绍lee间，就行入去试下。入到去，望一望个餐牌，除咗杯咖啡同环境，样样都唔系好越南，心谂系咪中咗伏。既然坐低咗， 硬住头皮上啦！叫咗个招牌海鲜椰汁酸汤檬粉，海胆手撕鸡檬纸卷同冻咖啡。舖面细，最多坐十几人，会迫啲。招牌海鲜椰汁酸汤檬粉，有惊喜！汤唔系好酸，好香椰汁味，可能因为海鲜足料(有成三只蚝，五只青口同两只虾)，所以啖汤都有啲鲜味。几只蚝煮得啱啱好，滑得嚟仲鲜甜。虾肉都算弹牙。海胆手撕鸡檬纸卷，海胆都算新鲜，冇怪味。但系食落唔系好觉有鸡，应该俾啲菜同海胆盖晒啲味。冻越式咖啡，以为佢会俾杯冰我等滴完倒落去。点知原来就咁一杯俾我