港原味 (已搬遷) 新店位置

今日探完朋友，顺便去大角咀附近揾吓有咩好嘢食，行过利奥坊见有间茶餐厅，快快食个饭就返屋企。餐厅望落新净又光猛，墙身画满七十年代香港街道景色，有玩味感。望吓餐牌，见到有个农夫包好似几吸引，有得拣咖哩或者系芝士黑松露汁，左谂右谂都系想试下芝士黑松露汁，仲有猪扒/牛/鸡拣，我就拣咗配牛肉。农夫包都几大份，切开脆卜卜，伴碟有啲沙律菜，牛肉份量都几多！仲有D洋葱，青椒等做配菜，食咗大半个已经好饱！另外老公叫咗个沙拉骨，沙律酱均匀沾满左系排骨上面，排骨煮得香脆，加上醒胃嘅沙律酱，好快就𩠌完一碗饭。老公钟意佢杯冻奶茶嘅茶底，我就较欣赏自己杯少冻咖啡嘅香浓，好港式餐室嘅味道.