名館 (已結業)

唔讲都唔知原来中环有个咁好环境又价格相宜既地方食中菜。一行入去已经有阵淡淡既清香，到坐低拎起杯茶，先知原来系茶香。用藜麦炒既茶，茶香扑鼻味道清淡。厚切叉烧王，系最正既半肥瘦! 平时食叉烧真系好惊咬落又柴又干又痴牙，依份绝对好juicy又嫰口。蟹棒炒滑蛋，钟意清淡人士之选。个蛋我食完一羹又一羹，因为有阵淡茉莉花香，唔heavy，好难停手，最快清碟!宫廷点心盘! 一上枱已经值得哗一大声 ! 然后相机先食! 由冷盘例如麻辣木耳到甜品例如朱古力moose cake都有，真系叫多几个菜依个已经会食唔完。麻辣木耳睇落好似好平常，但入口之后由喉咙麻返上舌尖，劲!对于又注重外在美加内在美既人黎讲，依餐真系算得上味觉视觉既盛宴。