影片
更多
2024-10-29
1857 浏览
我本身不是住附近，亦不是住港岛，但一年中都会特登搭车去新兴食家食十零次，觉得佢既点心味道只此一家，第二度真系做唔到，又有好多怀旧既点心佢仲会做。每次去都见到好多游客或第一次帮衬既人，有点狼狈，所以真系想分享一下自己既经验。第一样就系叫点心，游客同第一次去既人都会用点心纸去点心头好，我建议就不要🙅，用来参考睇下有咩食就好，原因是好多时见点了几样，可能都系得一样有，有啲系卖晒，亦有啲系蒸唔切，唔好嘥心机，你可以睇左边样啱就叫楼面姨姨攞或者直接去点心档睇下有咩，直接叫，有时同楼面姨姨讲佢未有的，就会叫你等一下，帮你即刻蒸，我就仲简单，睇住佢厨房推点心车出咩点心，啱就直接叫，新鲜热辣。更重要是遂一叫的话，就可以享受到点心最热辣美味既一刻，好过几样放枱面而唔知食边样好。第二样就是叫既份量，好多时样样都想试，样样都想食，给游客既建议就是不要点太多太饱肚既点心，好似蒸凤爪排骨饭，糯米鸡，糯米饱，鸡球大饱等，每样都非常饱肚，食一样就食饱就无谓啦，若果无两、三、四人分享的话，就真系要衡量一下自己肚量，而佢既蒸斑头腩饭套餐都相当出色，本人就会叫走饭，以免食唔到其实点心，当然，其实都有一些隐藏🙈技的，就是有
每次去都见到好多游客或第一次帮衬既人，有点狼狈，所以真系想分享一下自己既经验。
第一样就系叫点心，
游客同第一次去既人都会用点心纸去点心头好，我建议就不要🙅，用来参考睇下有咩食就好，原因是好多时见点了几样，可能都系得一样有，有啲系卖晒，亦有啲系蒸唔切，唔好嘥心机，你可以睇左边样啱就叫楼面姨姨攞或者直接去点心档睇下有咩，直接叫，有时同楼面姨姨讲佢未有的，就会叫你等一下，帮你即刻蒸，我就仲简单，睇住佢厨房推点心车出咩点心，啱就直接叫，新鲜热辣。更重要是遂一叫的话，就可以享受到点心最热辣美味既一刻，好过几样放枱面而唔知食边样好。
第二样就是叫既份量，
好多时样样都想试，样样都想食，给游客既建议就是不要点太多太饱肚既点心，好似蒸凤爪排骨饭，糯米鸡，糯米饱，鸡球大饱等，每样都非常饱肚，食一样就食饱就无谓啦，若果无两、三、四人分享的话，就真系要衡量一下自己肚量，而佢既蒸斑头腩饭套餐都相当出色，本人就会叫走饭，以免食唔到其实点心，当然，其实都有一些隐藏🙈技的，就是有几样点心系可以遂件叫的，如：义烧饱，炸鲜奶，春卷。若果得两人食，叫依啲再分开一人一半，就又可以多试几样点心。
第三样美食推荐，
正所谓早起的鸟儿有虫吃，系度饮茶🫖食点心道理一样，越早去款式越齐，佢出品既点心样样都好食，虾饺烧卖山竹牛肉算全日都有的，要食要试紧系食啲稀罕野，食烧卖倒不如食鹌鹑蛋烧卖、猪肚烧卖，食牛竹牛肉就转食干蒸牛肉（这不确定有无，点心纸无写，不过，果次我听到有客问，厨房话卖晒），其他仲有就是，老食家推荐既蒸排骨（店里有老食家相片），出晒名既流沙饱，好少见既鸡丝粉卷、鸡球大饱、糯米饱、元贝金菇饺、仲有百花酿豆腐⋯⋯最后系本人必食推荐，咖哩金钱肚，每次必食，等点心车一推出来叫卖，听到有，一定点的，热辣辣，入味之中又软又淋。
第四样系大家不会知，好辣者福音，就是佢地自家制既辣椒油，依个辣椒油是不会放出来的，佢地系收埋架，要问楼面姨姨拎或者去收银问老板攞先有，辣椒油本身又香又辣，但不呛喉，当年我第一次去，都系有缘楼面姨姨介绍我食，一试爱上，我开始用来点烧卖，本身烧卖都好食，点左后又另一种滋味惹味，后来用来点咖哩金钱肚，又系将本身美味加辣升华到另一层次，我真系怀疑佢点咩都夹。
温馨提提，楼面姨姨个个年纪都有番咁上下，大家无论叫开茶叫点心都多俾一点耐性，佢地已经尽力做，但是地方浅窄加上年纪，难免会怠慢，大家包容一下啦
张贴
