陳根記

营业中

休息中

以前禾𪨶旧舖由中学食到出黎工作，最钟意佢选择多，够镬气，开得夜，如今搬左黎石门，一于约班兄弟会一会佢先！平日一至四夜晚10点后系宵夜时段，多款小菜特价，叫多几款食尽佢！次次黎都会叫蚝饼，蚝仔份量合理，炸得松脆，唔会成口油。平时茶记碟头饭d茄子好易中伏，有d无拉过油都够胆死放上台，而茄子鹅肠煲就够晒热辣辣，茄子拉过油先出到咁靓ge紫色，鹅肠都唔少，个汁就似无落咸鱼ge鱼香茄子汁（正宗鱼香茄子真系无咸鱼），送饭一流。马拉盏炒通菜够咸香，无渣，爽口。蒸蛋好滑好香，似系加左鸡汤。十三味猪杂煲望落好似水煮菜式，食落只系少少辣少少咸，都几油，成煲野有大量芽菜金菇，猪杂就只有几块猪肉、猪润、猪粉肠同猪肚……索价$85，好失望。好彩压轴出场ge扬州炒饭同干炒牛河绝不欺场，炒饭够干身，粒粒分明，炒河比一般香甜，可能老抽落得较多，但无损风味，河粉无痴埋一团，牛肉唔韧，无用梳打粉腌过龙，两碟都镬气十足，大大碟，食完只碟唔会油。