好運泰國美食

营业中

休息中

前排去开喺新蒲岗图书馆，试咗楼下间泰国菜，又整体感觉真系唔错，消暑又抵食，食到饱饱都只系200蚊左右。安格斯牛沙律，味道酸酸辣辣，牛肉好嫩口，加埋干蒜、煮到甜晒嘅洋葱、车厘茄同粟米，消暑又开胃。朋友想食热食但又觉得天气好热，所以拣咗芒果海鲜炒饭，餐厅非常阔绰，落咗唔少鲜虾，配埋青瓜同大大粒嘅芒果，成个炒饭甜甜地，食落够清新，降温效果一流。泰国菜必食嘅甜品芒果糯米饭，卖相好精致，有两排紫色同白色糯米饭团，并可按喜好加椰汁，有清甜嘅芒果中和味觉，甜而不腻，真系好满足。朋友叫咗泰国黑咖啡，味道偏甜，啱晒甜品控。我就拣咗泰国奶茶，个人觉得泰式奶茶比港式好饮，甜甜地又唔会太苦涩，成个感觉更加顺滑。