Brew Dog Coffee Co.

营业中

休息中

呢日喺新蒲岗收工，俾我见到呢间好cozy嘅cafe，餐厅以白色为主，小店经营嘅模式，座位只得10个🤨虎虾蟹肉蟹膏浓虾汁意大利饭呢度嘅意大利饭比较特别，用上咗米型粉，口感比意大利饭更软腍，口感都唔错🦐 酱汁方面，有好浓郁嘅虾蟹味，因为入面有蟹肉蟹膏，更加有层次🦀 面头仲有四只虎虾，口感弹牙。慢煮鸡胸罗勒青酱扁意粉呢个系小编私心推介嘅菜式，罗勒青酱味道好香🍝 配埋鸡胸系好夹嘅，呢个鸡胸都整得好出色，系劲嫩口juicy𠮶种，扁意粉就非常挂汁。开心果咖啡那提如果钟意开心果嘅朋友一定会钟意呢杯咖啡，除咗有开心果酱之外，餐厅仲用上开心果燕麦奶，同埋Espresso☕️ 整个味道好夹，仲有啲开心果碎喺面，增加咗唔少口感添呀。冷萃咖啡店家会每日制作一款cold brew，今日我嗌嘅系肯亚𠮶款。微微嘅咖啡酸味几啱我嘅口味。餐厅好用心制作餐牌，连烘焙度都有详细列明😗如果钟意饮咖啡嘅朋友真系要bookmark呢度，呢度嘅咖啡系真心有质素同用心烘焙嘅☕️ 其他主食都落足料㗎，系间值得支持嘅小店 。