潮盛館

营业中

休息中

之前夜晚去新蒲岗经过呢间餐厅见到好多人帮衬，呢排终于约到朋友一齐试下呢间餐厅；餐厅喺mikiki附近，位置都几方便。当日系平日夜晚，餐厅都坐到满座。🍽️晚市孖宝套餐 （包白饭+罐装饮品）🐟剁椒蒸鳝👍平时喺屋企好难处理鳝，难得餐厅做优惠，梗系要叫黎试下；鳝嘅肉质都颇弹牙，下面放咗粉丝，吸收哂鳝同酱汁嘅味道，非常入味！🥦虾干鲜菌浸时蔬蔬菜嘅份量都几多，汤底带清甜嘅味道，而虾干增加咗汤嘅鲜味，令汤底无咁单调。🍽️醉乳鸽👍👍呢个系餐厅嘅招牌菜，当日有其他客人都想点佢，但佢已经售罄，建议大家去餐厅点咗呢个菜式先！乳鸽切成一片片嘅肉，摆盘非常精致；一入口就已经食到香浓嘅酒味，同时又唔会抢到乳鸽嘅味道，而肉质亦都非常嫩滑，值得一试！🍽️小食双拼（海蜇+金钱肚）海蜇口感非常爽脆，每一条海蜇都沾满麻油同淡淡辣味，呢个冷盘好适合热辣辣嘅夏天食；而金钱肚非常入味，肉质都颇软嫩，又唔会好韧。