新釗記

营业中

休息中

见佢新装修坐满客人就入去食个早餐，早餐都系一般嘅通粉、公仔面、火腿鸡蛋之类，都系似一般嘅茶餐厅咁上下。杯奶茶就真系唔系好掂，奶太多，而且只系热热地，饮落去一啲茶味都无。通心粉都可能系啲质素唔高嘅通心粉，汤底冇乜味，好似好多水沟稀左。只蛋如果钟意食㶶㶶地，你就会好钟意，我就觉得比较柴和煎得太香。火腿奄列系合格嘅，麦皮都系一般杰挞挞，且仲有啲花奶喺度，感觉上都系想食鲜奶麦皮。麦皮系细细碗的。唯一最有水准嘅就系𠮶块方包，好新鲜软熟。杯柚子蜜都几好，好浓郁，可以一杯变两杯。