華麗川湘館

营业中

休息中

新开既小店，入到去会有啲食物推介，食完都会问你觉得啲菜式如何，招呼周到，见到佢都有同其他客人互动。哩度既菜可以拣辣度，就算怕辣嘅人都可以试，怕辣嘅可以点小辣，唔怕辣就一定要挑战下高啲辣度既快感啦！干锅千叶豆腐呢个菜好开胃，拣左小辣，入口好香，千叶豆腐居然系弹牙嘅！配埋爽口嘅配菜同入晒味嘅猪肉，真系估佢唔到咁好食。铁板黑椒咸猪手猪手皮厚得黎又好嫩滑，肉质软淋，咬落去啖啖肉，微微嘅黑椒汁更将味道提升一个层次。佢同德国咸猪手唔同既，虽然唔系脆皮，系另一个感觉，个人极力推介！干扁四季豆四季豆煮得干身唔油，配上腌过嘅肉碎加上辣椒碎，香辣有致，好香口，配饭一流。