新記煲仔雞粥 (已結業)

听讲元朗又新街出名食粥，点知一个路口有两间粥舖，两间都有香甜既米香，而且好多人排队，唯独新记煲仔鸡粥除左米香，仲有香喷喷既油炸味。👍🏻🙈红烧脆皮乳鸽 🐦 $73未食已经闻到只乳鸽劲香（唔知大家对于乳鸽有咩印象，我自己就硬系觉得细细个食嘅炸乳鸽，好似特别好食，讲紧可能真系20年前，𠮶阵好兴揾个发泡胶盒装住只乳鸽，再喺个发泡胶盒顶开个窿，然后个鼻就可以队落个窿度闻，超级香！😂坐住老窦架车返屋企，仲会成架车都系乳鸽味～🙈）OK，废话讲完！新记呢一只乳鸽，睇得出炸之前乳鸽风得够干身，所以外皮炸到非常松脆，食落脆卜卜，点埋准盐一人食晒一只真系唔过分！不过乳鸽嘅大细就真系睇彩数，咁啱我呢只比较瘦，我望到隔篱枱𠮶只就肥啲～🤨🤨艇仔粥 🍲 $34第一啖，唔知我有错觉定系真，粥底除左香棉之外，仲有份豆香，似系加咗腐竹落去煲。虽然呢个唔系我食过最好味既粥，但加左腐竹将成个粥提升好多（大家喺屋企煲粥都不妨试吓，将腐竹压碎，加少少落去煲粥）。粥料份量都好多，特别值得一提嘅系呢度啲艇仔粥嘅鱿鱼唔系平时粥舖用开嘅水鱿，质地比较特别弹牙啲🦑。佢哋仲要系用瓦煲上，保温做得特别好，食到最后一啖都仲系热辣辣，呢一个粥三十