正宗上海生煎皇后麵館 (已結業)

晚餐食呢间明星开的食店，点了新猪肉担担面同生煎包。 首先讲下个生煎包， 𠮶包肉汁唔够， 加咗啲粟米 做馅 有啲不伦不类， 但考虑到系素食， 唔好食都唔可以要求太多。然后系担担面， 首先系有部分猪肉仲未煮返热， 呢部份问题唔大因为搞搞温度就可以均匀返，但系话最大问题系个面太多花生酱， 正确啲应该叫花生酱面， 而且仲杰挞挞。 唯一可取之处系冇乜人食， 人手充足之下服务不错。找完数之后佢畀返张优惠券我， 我断然拒绝咗， 因为冇可能再返嚟食。