春天 (已結業)

将军澳新都城呢间西餐厅开咗冇几耐，一直都好想去试，今日终于有机会同屋企人趁放假去食，六点几已经好多人排紧队，呢间餐厅似乎几受欢迎㖞。餐厅嘅装修风格活泼，红红绿绿色彩丰富，俾人耳目一新的感觉。坐低就每人叫咗一个set，12安士美国肉眼扒真系好巨型，足足有一只手板咁长，厚大概1.5 cm。我哋叫咗五成熟，又真系做足㖞，好多餐厅都唔会咁细心将烹调时间调校得刚刚好。轻轻切开牛扒就见到粉红色嘅中心，里面好juicy，加上边缘嘅少少脂肪，入口好rich 好香口，牛味几突出。意粉嘅份量都唔少，食完成个餐真系好饱。另外仲叫咗个至尊海鲜拼盘套餐。𩠌菜好丰富，有黄金扇贝、芝士烟肉焗蚝、香煎䲞鱼、煎大虾、忌廉芝士焗蟹肉挞，份量相当多，蟹挞外皮松脆，有好多层酥皮，食落唔油腻。最好食恍然系最简单嘅煎鱼，外皮真系好香脆，里面锁住肉汁，整条鱼嘅鲜味都好突出，虽然成个餐加一之后都要120几蚊，但系真材实料。