影片
更多
2022-01-05
80 浏览
本身有张SOGO现金券，所以就去咗铜锣湾度买嘢，谂紧食咩嘅时候见到有位派传单嘅姐姐都几热情，我哋望吓原来系一间新开嘅日本店，咁就决定试一试。餐厅有吧枱普通座位同埋一间房间。我哋就坐普通位。餐厅嘅卖点系食时令嘅菜式，所以店员亦都好细心咁介绍有啲咩好食😋金泽寿司盛合八贯。上 $388👉🏻鲭鱼、真鲷、深海池鱼、赤身、赤虾、松菜蟹军舰、北海道帆立贝、火炙鲈鱼寿司有几个选择，我哋拣咗八件呢一款，如果坐喺吧枱应该可以睇到师傅整寿司嘅过程。佢哋嘅鱼生类都非常之新鲜，师傅会加入左唔同嘅酱汁同埋配料去令到寿司嘅鲜味提升。赤虾帆立贝爽口鲜甜，赤身有咬口油脂较少，鲷鱼亦都非常肥美。火炙过嘅鱼会令鱼油更香。北海道海胆寿司 $128👉🏻口感软绵细滑，食落香甜。炙烧鹿儿岛A4和牛寿司 $98👉🏻火炙过令和牛油脂更香，接近入口即溶。蒲烧原鳗鱼 $148👉🏻上枱热辣辣😌咬落口感软身，鳗鱼细骨唔算多，酱汁香浓带微甜。车海老天妇罗 $228👉🏻薄薄嘅炸浆包住爽口弹牙嘅海虾，炸得脆而唔会油腻，旁边仲有炸过嘅虾头，同样脆卜卜，配搽盐或者天妇汁一样香口惹味。
本身有张SOGO现金券，所以就去咗铜锣湾度买嘢，谂紧食咩嘅时候见到有位派传单嘅姐姐都几热情，我哋望吓原来系一间新开嘅日本店，咁就决定试一试。
餐厅有吧枱普通座位同埋一间房间。我哋就坐普通位。餐厅嘅卖点系食时令嘅菜式，所以店员亦都好细心咁介绍有啲咩好食😋
金泽寿司盛合八贯。上 $388
👉🏻鲭鱼、真鲷、深海池鱼、赤身、赤虾、松菜蟹军舰、北海道帆立贝、火炙鲈鱼
寿司有几个选择，我哋拣咗八件呢一款，如果坐喺吧枱应该可以睇到师傅整寿司嘅过程。佢哋嘅鱼生类都非常之新鲜，师傅会加入左唔同嘅酱汁同埋配料去令到寿司嘅鲜味提升。
赤虾帆立贝爽口鲜甜，赤身有咬口油脂较少，鲷鱼亦都非常肥美。火炙过嘅鱼会令鱼油更香。
北海道海胆寿司 $128
👉🏻口感软绵细滑，食落香甜。
炙烧鹿儿岛A4和牛寿司 $98
👉🏻火炙过令和牛油脂更香，接近入口即溶。
蒲烧原鳗鱼 $148
👉🏻上枱热辣辣😌咬落口感软身，鳗鱼细骨唔算多，酱汁香浓带微甜。
车海老天妇罗 $228
👉🏻薄薄嘅炸浆包住爽口弹牙嘅海虾，炸得脆而唔会油腻，旁边仲有炸过嘅虾头，同样脆卜卜，配搽盐或者天妇汁一样香口惹味。
张贴
