一樂冰室

营业中

休息中

26-12-2023（Tue）晚，我，老公同亚姨太忙唔煮饭出街食，我建议试新开嘅呢间。嚟到时冇位，有客人散开企唔知系咪等位，老公就行去攞位，店员指话出面排队。老公就企喺门口等，我话唔知其他等紧嘅系咪等位，佢哋又冇排队绳或俾飞。之后有其他客等，店员就俾飞。等多阵就有位，睇完menu，老公要平日$98.00，星期六及假日$108.00嘅枝竹羊腩煲，饮热菜蜜。亚姨要$78.00嘅W2，蒲烧鳗鱼拼蒜蓉汁汉堡扒意大利粉，要热柠水。我要$55.00烩蒜香鸡扒饭，饮热奶茶。等咗一阵，我嘅热奶茶到嚟，饮吓先，好淡冇茶味。1分然后烩蒜香鸡扒饭到嚟，超快。见到嘅似系黑椒汁，食落，果然系，好彩唔系太辣，接受到;鸡扒有煎脆嘅但冇乜蒜蓉味，可能被黑椒汁盖过喇。4分而原来我冇为意汁系可以拣，落单时店员亦冇问。之后热柠水同热菜蜜都到嚟，我冇问佢哋觉得点。蒲烧鳗鱼拼蒜蓉汁汉堡扒意大利粉，不过冇意粉转咗做饭，亚姨俾啲蒲烧鳗鱼我食，我觉得正常好甜，其他冇试到。4分之后老公嘅枝竹马蹄半腩煲到嚟，都几大煲，但见到有好多笋，我试吓先。羊腩一啲够腍一啲唔够，但冇膻味;其他都Ok。5分不过漏咗饭同例汤，要提佢哋，其实有两枱都系咁。