廿七窩 (已結業)

朋友介绍去呢间新开嘅火锅店，地点唔系旺区，但门口有位泊车。入去门面企理，朴实无华。开始前食小食先。叫咗个黄金鱼皮同埋鸡脚做小食，两款都系师傅自己整，好好食，下次都一定要Encore. 好喇，入正题。叫左个花胶锅，打边炉前先饮汤，个汤好甜好好饮，差不多饮哂先叫佢加高汤打边炉。叫咗几款火锅料，全部都好新鲜。特别系小牛排同牛颈脊，牛根丸好弹牙。其他火锅料好似鲩鱼片，午餐肉都好好食。特别一提佢呢度啲午餐肉系煎过先俾你打边炉，好脆口。值得再去！