影片
更多
2018-05-29
200 浏览
呢间蕃满门都喺大埔好多年, 不过我好少帮衬佢，因为以前太多人排队，日又排夜又排, 可能而家周围多咗好多食店, 少咗人排, 今日一于带埋妈咪嚟食下先。同母亲大人紧系要食好啲啦！我叫咗招牌必食嘅猪手蕃茄汤粉, 蕃满门鸡翼, 泰式软壳蟹汤粉, 同蕃茄茄子层层叠! 摆到成张枱满晒！我目测成间餐厅有一半人都系喺度食猪手，咁佢又真系几好食嘅，皮脆肉嫩唔会干晒，最劲系你食啲皮唔会觉得肥腻，我平时唔会食呢啲肥嘢，但系佢呢只我真系可以食晒！五十几蚊有3件猪手连埋配蕃茄汤粉, 你去边度揾！？抵到烂!呢个系季节限定嘅泰式软壳蟹蕃茄汤粉, 劲呀～劲大碗劲正, 是关佢碗粉有啲辣肉碎, 捞埋嚟食确系掂，软壳蟹就正正常常咁啦～仲有两只虾都新鲜爽口嘅！久唔久出下啲新嘢咪几好, 无咁闷吖嘛！揾啲菜食下啦～成日忌廉西兰花, 今次食下呢个层层叠, 真系一层层隔住咁舖上去㗎㖞！一层蕃茄一层茄子, 今时今日仲有咁好心机嘅厨师, 抵赞啦！鸡翼，好普通嘅食物, 但系又俾佢搅到好食到停唔到㖞! 浓度嘅茄酱面有芝士焗, 个酱辣辣地。呢啲咪就系平凡中嘅不平凡啰！嘢饮系唔使笃柠檬嘅柠檬茶, 今次唔系好够泡㖞，不过味道可以嘅！总括嚟讲, 今
同母亲大人紧系要食好啲啦！我叫咗招牌必食嘅猪手蕃茄汤粉, 蕃满门鸡翼, 泰式软壳蟹汤粉, 同蕃茄茄子层层叠! 摆到成张枱满晒！
我目测成间餐厅有一半人都系喺度食猪手，咁佢又真系几好食嘅，皮脆肉嫩唔会干晒，最劲系你食啲皮唔会觉得肥腻，我平时唔会食呢啲肥嘢，但系佢呢只我真系可以食晒！五十几蚊有3件猪手连埋配蕃茄汤粉, 你去边度揾！？抵到烂!
呢个系季节限定嘅泰式软壳蟹蕃茄汤粉, 劲呀～劲大碗劲正, 是关佢碗粉有啲辣肉碎, 捞埋嚟食确系掂，软壳蟹就正正常常咁啦～仲有两只虾都新鲜爽口嘅！久唔久出下啲新嘢咪几好, 无咁闷吖嘛！
揾啲菜食下啦～成日忌廉西兰花, 今次食下呢个层层叠, 真系一层层隔住咁舖上去㗎㖞！一层蕃茄一层茄子, 今时今日仲有咁好心机嘅厨师, 抵赞啦！
鸡翼，好普通嘅食物, 但系又俾佢搅到好食到停唔到㖞! 浓度嘅茄酱面有芝士焗, 个酱辣辣地。呢啲咪就系平凡中嘅不平凡啰！
嘢饮系唔使笃柠檬嘅柠檬茶, 今次唔系好够泡㖞，不过味道可以嘅！总括嚟讲, 今次俾我睇到蕃满门用嘅心机！企到咁多年系有实力嘅！
张贴
