新高麗苑韓國餐廳 (已搬遷) 新店位置

新高丽苑朋友介绍新高丽苑D午饭好抵食，佢系大胃王都话食得好饱，今日一于带埋同事一齐去试吓。餐牌上有几款$39套餐, 有猪肉、猪扒、牛肉、鸡肉、蛋包鱼，仲有杂锦饭，一时唔知点选择。问waiter，佢介绍蛋包鱼，而我就order咗杂锦饭，系朋友介绍嘅！先来了两碗胡椒汤，好重胡椒味，都几特别再来四碟前菜，分别有靑菜、炆薯仔、酸青瓜同芽菜，其中靑菜同芽菜同我order嘅杂锦饭里面的配菜一样，无瘾！反而炆薯仔、酸青瓜very good，食完后问waiter啲前菜有无得拣，她说原来系可以换嘅，蠢咗！主菜蛋包鱼都算对板，啲鱼几厚，应属龙脷之类，唔算好滑，但亦唔“鞋”，外皮系煎蛋，几香；反而杂锦饭就只系普通嘢，无乜好讲，不过不失啦！反而见隔篱枱碟牛肉卖相唔错，正所谓隔篱饭香嘛！甜品有花奶jelly，同自己整嘅差唔多。连加一，$43一位，可以食到有汤、有前菜同甜品嘅韩国餐都算系超值啦！