嵐喬日本料理 (已結業)

去开湾仔，所以揾个朋友放lunch一齐食，𠮶日天气好鬼热所以好想食日本菜refresh一下。朋友message左个地址俾我话间餐厅都几full。点左我去坐底先。其实我去都已经系写子楼区嘅放lunch时间，好彩有位，门口侍应话五分钟执好张台就可以，其间侍应不断同我讲唔好意思要等等，服务态度好好。其实都唔洗五分钟我都入左去啦。因为朋友未到，我就周围望下，见啲鱼生同寿司好此几正咁，侍应又话系日本新鲜嘅，好啦咁就试寿司啦。寿司午餐定食有十件寿司，款款唔同，鱼生每件都好肥美，厚切，并且最吸引嘅系啲颜色好鲜艳。未食都已经知道系新鲜嘅。第一件食嘅当然系海胆寿司，食落口甘香清淡，食完个口都仍然有海胆味，真系好难得，依家其实好多寿司餐厅啲海胆都无未咖。呢个真系唔错呀。甜虾又系令一个我嘅至爱，两件甜虾都几大，覆盖成旧饭，点啲wasabi同豉油食，带出洒甜虾嘅鲜甜味。其他寿司有几件我都唔知道系咩鱼不过每件我自己都好钟意，可能真系新鲜嘅关系，鱼生每件都带有甜甜地嘅味道，呢间系我系铜锣湾 湾仔区嘅新发现！