鮮入圍煮 (已搬遷) 新店位置

之前已经黎过鲜入围煮打边炉架啦,果时一大班人就可以叫花胶鸡汤底,但今次得三个人就唯有点胡椒浓汤猪骨锅,虽然佢唔系招牌既锅,但系都好足料,入面有几旧大旧既猪骨,而且胡椒味好浓郁,钟意胡椒既都会钟意架。料方面我地叫左打边炉必叫既竹笙,芝士丸,花胶墨鱼丸,原粒带子水饺,西班牙猪腩片,美国A级手切牛肉,鱼蛋皮小笼包,仲有蔬菜。最特别既一定系鱼蛋皮小笼包,佢上台既时候真系一笼咁上,差啲以为可以就咁食,煮完之后一食佢个皮都几硬,但有咬口,好食,花胶墨鱼丸都真材实料,系望到有花胶系入面,好食,原粒带子水饺都好足料,真系有一大粒带子系入面架,而且仲好大粒,食两粒都会好饱呀,美国A级手切肥牛净系望个样都知好食,肥膏同肉分布平均,食落口又软又重牛味,推荐！总括黎讲佢既料特别又足料,蔬菜亦都新鲜,难怪一直大受欢迎。