Café&Meal MUJI (已結業)

久唔久都要去食MUJI CAFÉ，唔系食甜品，唔系饮咖啡。主要食因应季节而出既精心MENU。知道佢出左秋季MENU，好想去睇下有咩新款式。 Dinner Set依度有多款冷热盘配搭，可以因食量简3/4/5个𩠌。轻食晚餐冇黎到一排，除左有好多新出既菜单。例如咖喱饭。ITALY Night拼盘，有多种意大利既Classic dish。 不过无论有几吸引，我每一次食都系4个dish既dinner set。因为冷热盘分别都有8款比我简，又有餐汤，仲有全部都系日式菜式，非常精致。 蜜汁椒鸡块少少甜又有少少辣，成个味道好温和，你食到每一种味道，但又唔会太抢。鸡件都好大旧，平均2旧。南瓜薯饼出奇不意地脆口，因为见佢一盘放系柜入面，原以为会一早变左林PATPAT，但又唔会㖞。吞拿鱼黄椒腌菜因为好少见有吞拿鱼做熟主食，所以贪得意试左。味道唔错，但觉得太老好难咬。薯仔沙律好清新，因为好钟意食薯仔，所以点都好食。哈哈！ 唔够皮仲可以叫蛋糕甜品，跟餐有部份会平过原价。所以试左布丁同抹茶芝士蛋糕。布丁蛋味好香，好似变左做日剧主人翁。芝士蛋糕就好RICH，但唔苦涩。但最好同人SHARE，自己食哂真系会有D济。