影片
更多
2016-11-26
494 浏览
之前已经去过四季文昌，对佢既椰子鸡汤底边炉同龙虾煲仔饭念念不忘，一直心思思想再黎多次，而家新开左尖沙咀店，更加就脚，天气又开始转凉，无理由唔黎啦！ 相比起旺角店，尖沙咀店比较细，但一样咁stylish，全部都系大梳化，新净又舒服，最啱约埋大班朋友黎食。 法国蟹海鲜拼盘 ($598)打开餐牌，竟然发现有海鲜盘，可以拣阿拉斯加蟹 (半只$1,088，一只$1,888)、波士顿龙虾 ($598) 或法国蟹 ($598)，最钟意食蟹膏，我既不二选择一定系法国面包蟹！ 呢个餐认真抵食！有法国蟹1只、生蚝12只(!!!)、虾6只，翡翠螺6只、青口6只，配白酒一支，分量足4至6人食，每人除开先百零蚊。 生蚝有12只，其中两只仲系巨无霸，有成只手掌咁大！生蚝非常新鲜，海水味重，爽口唔腥，水准之作！ 面包蟹唔驶讲都系多膏，啖啖鲜味，肉质亦鲜甜！呢排咁多有毒大闸蟹，钟意食蟹膏既朋友，转食来路膏蟹更加安全放心。 鲜虾好鲜甜，而且爽口弹牙，阿妹食到「虾驳虾」唔停得口！ 单食海鲜盘已经好满足，但讲到底，我系为左椰子鸡锅黎架嘛，又点可以错过？ 侍应先送上酱汁配料，同出面既餐厅好唔同，呢度只系提供沙姜、辣椒、
相比起旺角店，尖沙咀店比较细，但一样咁stylish，全部都系大梳化，新净又舒服，最啱约埋大班朋友黎食。
法国蟹海鲜拼盘 ($598)打开餐牌，竟然发现有海鲜盘，可以拣阿拉斯加蟹 (半只$1,088，一只$1,888)、波士顿龙虾 ($598) 或法国蟹 ($598)，最钟意食蟹膏，我既不二选择一定系法国面包蟹！
呢个餐认真抵食！有法国蟹1只、生蚝12只(!!!)、虾6只，翡翠螺6只、青口6只，配白酒一支，分量足4至6人食，每人除开先百零蚊。
生蚝有12只，其中两只仲系巨无霸，有成只手掌咁大！生蚝非常新鲜，海水味重，爽口唔腥，水准之作！
面包蟹唔驶讲都系多膏，啖啖鲜味，肉质亦鲜甜！呢排咁多有毒大闸蟹，钟意食蟹膏既朋友，转食来路膏蟹更加安全放心。
鲜虾好鲜甜，而且爽口弹牙，阿妹食到「虾驳虾」唔停得口！单食海鲜盘已经好满足，但讲到底，我系为左椰子鸡锅黎架嘛，又点可以错过？
侍应先送上酱汁配料，同出面既餐厅好唔同，呢度只系提供沙姜、辣椒、海南野生青金桔三味。青金桔属海南特产，有开胃生津之效外，据讲仲可以提升鸡肉既鲜味，大家黎到记得嗒真D。
原味椰子鸡 ($128)终于，我最爱既椰子鸡锅上枱啦！侍应将成樽椰子/ 椰皇水倒入锅中，可以想像汤底系几甜美！除左食鸡，我仲食晒D椰肉，又清甜又软嫰，真系好正！
餐厅好细心，将海南文昌鸡倒入锅后，会以沙漏计时，咁就唔怕鸡件会煮得过老；另一细心之处，系侍应之后会帮大家将锅内既鸡油撇走，咁大家就可以更健康地享用椰子鸡汤啦！再一次尝到呢啖椰子鸡汤，依旧系咁清甜兼有鸡味，好味过妈妈煲既老火汤，真系劲正！我建议大家斋啪第一锅鸡汤，之后先再加汤去打边炉，咁就very good啦！
日本直送野菜篮 ($49)
手打虾滑 ($68)
意大利黑松露墨鱼丸 ($98)
炸响铃 ($25)
纽西兰雪花肥牛 ($68)火锅料大家各取所需啦，不得不提个手打虾滑，入面有大粒大粒虾肉，真材实料；黑松露墨丸够矜贵，有淡淡既松露香味；响铃属鲜炸，上枱时仲热辣辣脆卜卜，非街市来货可比。其他如菜蓝同肥牛，睇相都知新鲜靓料，唔多作介绍啦！
呢一餐食到捧住个肚走，又海鲜盘又高质边炉，每人除番开先二百蚊左右，个人觉得好抵食，期待再下一次的相遇！
张贴
