Applegreen - Beef & Vegetables (已結業)

今日同妈子在佐敦覆诊后，想带佢食d 平时少食的野。平时佢成日饮茶，又唔食得鱼生，泰菜有虾蟹又惊皮肤敏感。。咁就西餐吧！佐敦附近我又几钟意既，一谂就谂到 Applegreen! 十几年前呢间野好hit, 但好似突然沉寂左一轮，呢一两年又再出现。大半年前食过，任食沙律吧，菜很新鲜，很多选择，一直念念不忘；今次妈子竟然话可以食生沙律菜，咁就再去一次喇！星期六中午，每人最低消费$150, 虽然的确有点贵，但带妈子试新野，唔计了。12:15到，场内已有七成入座，大部分是家庭客。妈子叫左三文鱼濶条面，我就要 all day breakfast。沙律吧有七八款沙律（南瓜，蕃薯，粟米，生菜，雨衣甘蓝，椰菜花，薯仔，菠萝等），两款 coldcut, 一款芝士，一款汤，六款 salad dressing。菜是如常地新鲜，coldcut 正常，汤就咸左少少。三文鱼意粉好味，成碟都有浓郁三文鱼味，三文鱼粒份量不少。All day breakfast 正常野，无咩特别，味道及份量正常。饮品，甜品要另叫，我同妈子都好饱，无叫了。埋单$400, 妈子话好贵。但又唔系成日食，又见佢食得开心满足，都是值得的。