Misu Seafood Cuisine

营业中

休息中

一早过湾仔办完事，又到午饭时间。见好耐无食过海鲜，所以就去咗位于QRE Plaza嘅Misu Seafood Cuisine食饭。佢哋嘅海鲜喺自家货源，所以保证新鲜。今日就点咗鲜蟹鲍汁焗饭嚟食。主角嘅鲜蟹，虽然唔系爆膏蟹，但非常之鲜味。时间掌握得好好，蟹刚刚好熟，肉滑之余，蟹汁仍然充分保持喺蟹里头。配衬嘅蚬亦好鲜甜大只。蟹同蚬都无加额外嘅调味料，原只放入煲内焗熟，完完整整嘅表现出活海鲜最原始嘅鲜甜味道。底下嘅饭亦都要一提，餐厅每日会炆50只鲍鱼，然后用炆鲍鱼嘅汁嚟煮饭。每粒饭粒都吸收哂鲍鱼汁嘅味道，依个鲜蟹鲍汁焗饭真系会令人再三回味。