頭啖湯

营业中

休息中

知道呢度系中学同学老公开嘅餐厅我哋都未有机会试吓。今晚我哋就去试吓我哋都想食啲至宝嘅嘢所以就嗌左椰子鸡煲。不过唯独汤底太多油，可能系用鸡煮，但系都略为多油。肠胃不好的朋友要小心。如果汤底可以在再浓香啲椰子味味道就更加突出。因为要留返个肚食其他野所以只系叫咗半只鸡。佢都有啲海鲜拣嘅真系好，我哋就叫咗桂花蚌，好快熟同埋好爽口。另外点可以唔叫我最钟意食嘅红薯粉呢，呢度嘅红薯粉都系用咗个种阔扁身嘅，呢种薯粉同原形粗身嘅口感系一样，都系会好烟韧好有咬口咖！我最钟意！仲有响铃卷啦，不过响铃卷就唔系好够脆身及食落感觉略为多油，好快一落汤底1秒就好快成个淋晒。而午餐肉切得好好一口一啖。另外仲有娃娃菜同牛肩肉，牛肩肉系比较有韧劲比起普通牛肉要有咬口钟意有咬口嘅朋友一定要试吓呢个肉。而饮品呢就叫咗开胃醒神嘅柠檬柚子梳打，新鲜开胃柠檬🍋配上清新柚子梳打，打边炉嘅油腻即刻一扫而空，精神都为之一振！不过如果餐厅嘅火力可以大啲就更好，打边炉嘅话就比较要耐啲，因为而家略嫌有点太慢加上鸡煲都有一定嘅有油份所以比较难滚起。但整体而言汤味鲜甜新鲜，同铺头名符合。