爽爽麵店 (已搬遷) 新店位置

今日有老友约我入元朗，所以今期由一个人的午餐，变成两个人的午餐。哈哈！老友介绍，说呢度系食新鲜鸡嘅！今有食神。嘻嘻！舖仔细细，冇位坐，咁有人带我地去隔离....巷仔嘅地舖，拉埋道门外面见唔到入面，应该系偷鸡嘅呢边。唔埋啦，好味咪得啰！餐牌有分新鲜鸡和冰鲜鸡，唔使念紧系食新鲜鸡啦！叫左醉鸡汤米$47和醉鸡汤伊$50，加一件新鲜猪扒$25和一支自家制菊花茶$15。两个人$137，每人六十几，食新鲜鸡，新鲜猪扒，一D都唔贵。不过太心急唔记得呢度可以自选部位，结果来了一份鸡脾，一份鸡胸。鸡胸虽然啖啖肉，但有得比我拣当然会拣鸡脾啦！更何况鸡脾搭多D珍肝。睇到呢~几多珍肝！鲜鸡果然唔同D，有鸡味又弹牙！醉鸡汁浓度刚刚好，唔会抢左D鸡味！一流！件新鲜猪扒贵就贵左D，但系好香蒜蓉味，煎得；刚刚熟，唔会煎㶶D蒜蓉，又 juice ！汤米同汤伊应该都唔使点形容，系鸡汤底，冇味精。紧系啦！佢一日煮咁多鸡，D鸡汤仲使落味精咩！我倒一半酸鸡D汁落个汤度仲正！至于呢杯自家制菊花茶，睇D色水就知几足料啦！整体都好有水准，有野好“弹”，一个字“正”！值得推介！