影片
更多
2014-10-31
1034 浏览
在工作中医肚，去嘅地方唔多，地方所限！我唔会挑剔！去到边食到边！正面念亦会去平时去唔到嘅地方开下眼界！今日呢间食店！茶餐厅格局，店外面有桌椅！方便大家呼吸！我哋亦好少坐入面！因为唔知点解，店内湿气好重！气味好怪！ 而家天气唔热，坐外面仲舒服！不过出面都系马路！但唔会大尘！大车经过会嘈啲！当我哋行到店外！我闻到一阵好香嘅咸鱼味！ 坐低问店员阿姐！佢话刚刚炸紧咸鱼！我即刻叫个「咸鱼鸡粒炒饭」，同同事叫个「越式炒河」分享食（又可以试多一样 ）食物好快到！先讲新鲜炸起咸鱼粒炒出来嘅饭！饭粒够松，干身唔硬，咸鱼粒系有姆指指甲咁大，唔系平时咸鱼碎，新鲜炸起外皮仲脆，微咸，送饭一流，鸡粒淋身唔嚡，如果可以多啲菜丝，增加爽口口感就更好！再来越式炒河，材料好多，其实似星洲炒米嘅材料，炒蛋叉烧火腿洋葱芽菜之类，即炒够镬气，河炒炒得散唔会断，而且几滑，中间夹杂啲辣椒皮，味道微辣（同事试食块炒蛋话好辣）我觉得刚刚好！几特色！唔错！ 餐饮热柠水正常！够热唔涩！服务就有个别店员比较粗糙，落单女店员好nice,又爽手！但其中一个阿姐上菜，同事叫鸡髀加两份薯条（因为一个茶餐配两款小食）阿姐上菜时见到系鸡髀配薯
今日呢间食店！茶餐厅格局，店外面有桌椅！方便大家呼吸！我哋亦好少坐入面！因为唔知点解，店内湿气好重！气味好怪！ 而家天气唔热，坐外面仲舒服！不过出面都系马路！但唔会大尘！大车经过会嘈啲！
当我哋行到店外！我闻到一阵好香嘅咸鱼味！ 坐低问店员阿姐！佢话刚刚炸紧咸鱼！我即刻叫个「咸鱼鸡粒炒饭」，同同事叫个「越式炒河」分享食（又可以试多一样 ）
食物好快到！先讲新鲜炸起咸鱼粒炒出来嘅饭！饭粒够松，干身唔硬，咸鱼粒系有姆指指甲咁大，唔系平时咸鱼碎，新鲜炸起外皮仲脆，微咸，送饭一流，鸡粒淋身唔嚡，如果可以多啲菜丝，增加爽口口感就更好！
再来越式炒河，材料好多，其实似星洲炒米嘅材料，炒蛋叉烧火腿洋葱芽菜之类，即炒够镬气，河炒炒得散唔会断，而且几滑，中间夹杂啲辣椒皮，味道微辣（同事试食块炒蛋话好辣）我觉得刚刚好！几特色！唔错！
餐饮热柠水正常！够热唔涩！
服务就有个别店员比较粗糙，落单女店员好nice,又爽手！但其中一个阿姐上菜，同事叫鸡髀加两份薯条（因为一个茶餐配两款小食）阿姐上菜时见到系鸡髀配薯条西多，
同事咪同阿姐讲：「我系鸡髀薯条呀！」
阿姐拎走唔够半分钟就拎返来！只系夹走件西多，薯条份量都无多度（好明显系夹走再扫平啲薯条就算）同事咪即兴（正常都会喇 ）
话：「咁叫两份薯条？」
个阿姐仲精景，答：「系呀！都系咁上下咋！」
同事咪话：「咁你比番件西多我喇！」
个阿姐可以当听唔到走咗去！（同事把声唔细！阿姐一定会听到）同事正想入去店内揾人处理！个落单醒目阿姐已经即刻出手！话正话份餐系上错了！（唔知真定假喇 ）之后再拎份似两份薯条嘅茶餐出来！件事情平息了！讲真同事只系比个阿姐处理件事情态度激亲！唔系想搅事！食个下午茶啫！（搅事唔怕比人加料咩 ）醒目阿姐比埋茄汁！一个人可以令餐饭失色不少！亦令间餐厅失分不少！（服务分两分系比醒目𠮶个店员的 ）讲真纯计食物水准，呢度嘅炒粉面饭好味，但一餐饭除了食物，仲有环境、服务同卫生，呢几样呢间食店都要改善下！（所以只可以比OK)
厕所就无去过，因为好近餐厅就有个大公厕（讲真而家公厕水准好过有嘢餐厅，又大又干净 ）
张贴
