唐坊火鍋私房菜

今日又去左油麻地揾食啦，朋友话有间bookmark左嘅餐厅想试下，衬住佢生日即刻一齐去食下啦！唐坊系誉发广场最高𠮶层，个景真系好靓㖞。 我地叫左个2人套餐。呢个餐包左一个刺生拼盘，厚切又新鲜，赞！汤底要左煲东瓜瑶柱美腿㶽，汤底好足料，待应仲叫我地食之前饮下个汤先。果然系清甜又冇味精，好好味。2人海鲜盘，有虾，带子，鲍鱼，蚬同埋鳝，惊喜，个海鲜盘好新鲜，只虾好弹牙，鲍鱼都好好食。橡果猪，猪肉冇骚味，而且好有咬口，唔系普通街市货。韭菜饺及蟹肉饺，饺子好实正，我觉得口感非常好。田园杂菜篮，好多款菜，啱晒钟意食菜嘅我。手打乌冬，仲有2杯椰子水。椰子水打边炉真系好配，清热又解渴。最后餐厅仲有2碗椰子煲雪燕比我地，非常滋润，啱晒呢个干燥天气。