樂糖 (已結業)

周日下午，当然要揾间靓靓地既食店，同朋友倾下计，轻松一下。乐糖装潢好别致，墙上吊著彷气球的装饰，好有Party既感觉。而且整间店的用色好活泼，以红、蓝、白作主调，令人感得好轻松。我同朋友坐咗系吧枱既位置。自选小混混一向都好中意食台湾既芋圆，所以点都要叫一碗。呢到仲可以自己选择㡳料同配料。我点咗豆腐花加仙草作㡳料，配料拣咗芋圆、红豆、香芋蓉。芋圆烟烟靭靭，而红豆甜度都几高，配上淡淡既豆腐花同仙草，两者配合得啱啱好。而芋头蓉入口则好幼滑，芋头味好香。若果懒唔想谂，都可以拣预先配搭好既「芋圆/青柠/豆腐花乐园」。法式焦糖炖蛋．士多啤梨配忌廉 细细份，作为下午茶轻食份量啱啱好。微暖的焦糖炖蛋，甜度刚刚好。焦糖层烘得微脆，炖蛋的内层十分软滑，一脆一滑，口感很丰富。而忌廉好Smooth，不会过甜。桂花荔枝水信玄饼卖相简直100分，好似一个迷你的水晶球。我唔太好太甜，所以呢个甜品好啱我。水信玄饼系啫喱状，食落有淡淡的桂花味，十分清香。呢个甜品更配上桂花茶，同桂花味既水信玄饼互相很搭呢。