慢煮工業 (已結業)

印象中既太子真系唔觉有西餐厅可以食，可能太耐无去，无特别留意到有咩好野食。今次有朋友提起所以谂住黎试下呢间慢煮工业。我地叫左芝士烟肉薯条拼蕃薯条、威灵顿牛柳同埋温泉蛋卡邦尼意粉。芝士烟肉薯条拼蕃薯条，个卖相睇落好吸引，食落去既味道都算好食，但系略嫌唔够热，黎到既时候好似已经系暖，变左个味道可能减弱左。而芝士果到如果可以做到系漏漏地会更好，因为D芝士已经痴埋左一中间一堆，变左旁边无芝士的薯条好难点到D薯条黎食。威灵顿牛柳，呢个系我一生第一次食既威灵顿牛柳，平时睇相就睇得多，觉得好吸引。食落去软软地口感唔错，如果我自己一个食一定食唔到咁多，但如果有得再食，我会选择锯扒会开心D。个牛柳系好食，但系就唔岩我口味，可能我对锯扒情有独钟。温泉蛋卡邦尼意粉，呢个每次食西餐我都会叫既野食，因为我食卡邦尼意粉都唔会厌。呢个意粉都做到CREAMY，不过感觉上意粉唔够入味，同埋都系唔够热，捞埋只蛋黎食就好好多!整体来讲，野食系有水准的，值得去食，仲有好多唔同既选择，留返下次先试!