Maison Meiji (已結業)

今次嚟到湾仔呢个有日本昭和怀旧装修风格嘅Cafe。Cafe座位非常阔落，有种休闲舒适享受食物嘅感觉。今次试咗三样嘢 - 和牛牛肉汉堡扒蛋包饭，抹茶酱蝴蝶酥，抹茶蒙布朗个蛋包饭系有一种好特别嘅牛肉烧汁铺上面，啲饭亦都同其他普通蛋包饭唔同，系有特别烹调过，有啲香浓肉汁味。个汉堡扒煎得好香，但系比起我想像中冇咁juicy, 同埋个size真系有啲细🫣反而系个蛋包饭汁系比较惊喜，唔系普通一间店舖揾到嘅味，同埋里面都有啲牛肉，𠮶啲牛肉就有浓郁嘅肉香。不过整体嚟讲呢一个饭我觉得系有少少overpriced另外我哋就试咗两个甜品，两个甜品都非常出色。试左佢其中一个王牌抹茶酱蝴蝶酥，蝴蝶酥非常松脆，个抹茶酱亦都有我钟意嘅少少抹茶苦涩味。不过个人就觉得个蝴蝶酥可以唔使咁甜，咁个抹茶味会更加出。牛油嘅酥香都可以再出啲。试咗佢三样野里面最钟意就系食佢嘅抹茶蒙布朗，超级多抹茶cream , 非常浓味，唔会太甜，口感绵密。佢有浓郁嘅绿茶香味之余，又有奶香同埋顺滑嘅口感。同埋上面𠮶粒栗子系超级好食！食完佢个主菜本身都对呢个甜品嘅大小唔会有好大嘅期望，但系估唔到佢个份量都好充足，所以食完呢个甜品之后就好满足！Ove