映月樓

营业中

休息中

地址位于香港文化中心，如果一早知咁贵可能唔会入来食喇，不过好好彩坐到窗边嘅位，隔离就系维多利亚港来，无敌嘅海景美不胜收吖，真系赚咗喇！烧腊三拼，望落去好长一碟吖，不过细数分量都只系麻麻喇，烧肉皮好脆，蜜汁叉烧同烧鸭都唔错，不过可惜都唔系几几热，有d冻喇！叉烧包就唔同喇，热辣辣嘅，叉烧偏甜，汁好多，趁热食好好味！萝卜糕煎得香香嘅，萝卜好多，有些小腊肉丁，好味。荔枝肉，睇个名就知喇，肯定有荔枝，同菠萝咕咾肉差不多味道，酸酸甜甜嘅，d肉包住荔枝同马蹄，唔会觉得油腻哦。肠粉好大份！！好抵食，不过皮好厚吖！唔系我钟意嘅𠮶种。牛肉菜心一般，无功无过。