烤爐印度餐廳

营业中

休息中

虽然本人并唔系印度菜0既粉丝，所以真系冇乜研究，1个月晚饭分分钟都食唔倒1次，但番工0既关系，偶然都会黎呢度食晏。呢度0既午饭主打系SET，以唔同0既咖喱配搭菜、牛腩、鸡等等6种唔同0既𩠌。除左薄荷串烧鸡要4十几蚊之外，样样都系36。除餐附送是日餐汤，饭或印度烤饼，仲有咖啡或茶。是日餐汤系蕃茄汤，虽然有同事话太酸 ，但由于本人钟意食蕃茄，所以都OK 食得酸。讲好饮就真系讲唔出，但系都不过不失啦。本人特别钟意食咖哩鸡，因为觉得佢个咖哩个味道同辣道啱我口味，咖哩都整得几香滑，喺连锁快餐店真系唔会揾倒呢种咖哩0既味道; 另外佢地整个鸡都整得几滑，基本上每次都整得好食。虽然有同事讲过话试过个鸡唔熟，但好彩SO FAR 未喺我身上发生。烤饼真系好建议快D食，因为新鲜热食 (当然我系拌咖哩食，唔系净食)0既食出饼香，亦食出饼脆0既一面。正~ 由于耐唔耐都会去呢度食，尼泊尔藉老板 (尼泊尔人同印度人整咖哩有冇分别呢?) 基本上都认得我地，行出行入都有讲有笑 (尤其系落单时老板以半咸淡广东话讲野真系几好笑)，喺忙碌0既一日里面，总算可以揾倒D令自己轻松0既地方。