影片
更多
2016-10-30
1028 浏览
荣安，由细睇到佢大，亦由细食到佢大，不过近十年已冇乜帮衬，除咗一次唔舒服叫咗碗外卖油面(加鱼蛋、豆腐、肠仔、鸡蛋、狮子狗鱼蛋)返屋企送药外，细妹今年会间中买兜净𩠌俾我，好似今日咁～鱼蛋、豆腐、鸡蛋、虾卷。细个最喜欢食佢嘅鱼蛋同鸡翼！鱼蛋口感实净，鸡翼色泽吸引，两款同样入味！尤其鸡翼，咸中带甜，你会连皮食得一干二净！而佢另一吸引长长人龙嘅原因系因为佢嘅汁！我唔钟意食辣都觉得佢啲汁正！钟意食辣嘅就更加觉得佢啲咖喱辣汁超正！我都试过，又鲜味又够辣，好难抗拒！不过好明显系陈年老汁所以咁入味！店舖格局至今一直冇变过，老中两代老板娘同伙计依旧冷淡唔多笑容，卫生环境更加唔好奢望太多，所以由细到大我同屋企人大多买外卖，宁愿俾贵$1，因为实在坐唔落去！时至今日，所有食品价钱均已涨价，但食物质素明显退步！细妹买过三次肠仔(鸡肉肠)俾我，两次条肠都浸到变咗灰白色！又淡又霉又冇味！好明显系冇人买、烚完又烚、浸咗喺水中超过一日，最后益我！吓到我叫细妹以后千万唔好再叫，$5/$6一条灰肠，感觉真系可以贵到吓死人！难食到吓死人！鱼蛋味道同细个食嘅一样，冇变，口感依然实净！豆腐就普普通通，都系白烚加汁，我要自己点甜酱
细个最喜欢食佢嘅鱼蛋同鸡翼！鱼蛋口感实净，鸡翼色泽吸引，两款同样入味！尤其鸡翼，咸中带甜，你会连皮食得一干二净！而佢另一吸引长长人龙嘅原因系因为佢嘅汁！我唔钟意食辣都觉得佢啲汁正！钟意食辣嘅就更加觉得佢啲咖喱辣汁超正！我都试过，又鲜味又够辣，好难抗拒！不过好明显系陈年老汁所以咁入味！
店舖格局至今一直冇变过，老中两代老板娘同伙计依旧冷淡唔多笑容，卫生环境更加唔好奢望太多，所以由细到大我同屋企人大多买外卖，宁愿俾贵$1，因为实在坐唔落去！
时至今日，所有食品价钱均已涨价，但食物质素明显退步！细妹买过三次肠仔(鸡肉肠)俾我，两次条肠都浸到变咗灰白色！又淡又霉又冇味！好明显系冇人买、烚完又烚、浸咗喺水中超过一日，最后益我！吓到我叫细妹以后千万唔好再叫，$5/$6一条灰肠，感觉真系可以贵到吓死人！难食到吓死人！
鱼蛋味道同细个食嘅一样，冇变，口感依然实净！豆腐就普普通通，都系白烚加汁，我要自己点甜酱！虾卷同鸡蛋就出现间中味道唔均匀、一啖咸一啖淡嘅情况！简单讲，卅几蚊四款𩠌，唔系细妹买俾我，我一定唔会买！宁愿走去帮衬四坡坊(德华公园附近)间粥舖食碗粥加炒面(红豆沙或绿豆沙)或麦当劳！
$32
83 浏览
1 赞好
0 留言
张贴
