陶源中菜

营业中

休息中

一年一度大闸蟹放题，上年唔错，今年再嚟，同上年有啲唔同嘅系上年食乳猪，今年食片皮鸭。唔一定要网上单位，打电话去订位都有九五折。座位宽敞，枱同枱之间亦都有透明胶版。由于系限时放题，一入去，我哋当然即刻一人三只蟹，有三种食法，包括清蒸，太雕蒸，油盐焗。所以我哋一人一只，每样都试吓。唔知太雕系唔系酒嚟嘅，总之蒸出嚟就同清蒸冇乜分别。油盐焗好香好热。坐低发现枱面已经准备好食蟹嘅工具，唔错。过咗冇耐就一次过嚟咗个鲍鱼，金汤辽参同豆苗。鲍鱼唔热，只系䁔，但系味道唔错。豆苖分量都非常多。大闸蟹系冇得拣公乸的。不过我哋食嘅全部都系公。质量中上之选。全部都有羔，没有坏，有一半以上爆羔，间中仲有惊喜。片皮鸭，红枣糕，千层糕，奶皇包都系自己任攞任食。一路用过炉蒸住，所以热辣辣，唔错。我哋试左红枣糕，千层糕，姜汁汤圆，脆麻花，大寿包同糯米饭，都好得。陶源啲嘢向来都OK，食物方面好有水准。碗碟都好频密，要求攞extra湿纸巾同手套都有比。